Coca Cola Суперлигаси-2022. "Пахтакор" ўз майдонида, "Насаф" сафарда ғалаба қозониш бўйича етакчи
13 ноя 2022 22:25
Янгиликлар

Coca Cola Суперлигаси-2022. "Пахтакор" ўз майдонида, "Насаф" сафарда ғалаба қозониш бўйича етакчи

Coca Cola Суперлигасининг навбатдаги мавсуми ниҳоясига етди.

Мамлакат чемпиони "Пахтакор" клуби ўз майдонида ғалаба қозониш бўйича энг яхши натижани қайд этди. "Шерлар" Тошкентдаги 13 баҳсда 27 очко жамғарган. Энг ёмон натижани эса "Динамо" клуби қайд этган, самарқандликлар мухлислари кўз ўнгида атиги 9 очко тўплаган.

Сафарда устун келиш борасида эса Қаршининг "Насаф" клуби тенгсиз бўлди. Рўзиқул Бердиев шогирдлари 13 учрашувда 30 очко йиғишга муваффақ бўлди. Меҳмонда очко тортиб олиш бўйича энг ёмон кўрсаткич ҳам "Динамо"га тегишли бўлди, Вадим Абрамов шогирдлари бор-йўғи 6 очкога эга бўлишган.

Эслатиб ўтамиз, якунланган мавсум Тошкентнинг "Пахтакор" клуби чемпионликка эга чиқди. Улардан бир очко кам жамғарган "Навбаҳор" иккинчи ўринни эгаллаган бўлса, Қаршининг "Насаф" жамоаси учинчи поғонани банд этди.

Ҳавола :

Манба : championat.asia

Янгиликларни Телеграмда ўқинг!

Рейтинг: -1