Чехия Супер Кубоги соҳиби “Қўқон-1912” билан шартнома тузди

Маълум муддат кўрикда бўлган россиялик Игорь Голбан бу йилги мавсумни жамоамизда ўтказадиган бўлди. Бош мураббий Рустам Абдуллаев ҳимоя чизиғида юзага келган муаммони айнан ушбу 25 ёшли легионер ёрдамида бартараф этди дейиш мумкин.

Футболчилик фаолиятини аввалига ҳужумчи сифатида бошлаган Голбан кейинчалик мудофаа чизиғига ўтказилган. Шунингдек Игорьнинг футболчилик фаолиятига назар ташлайдиган бўлсак, унинг ўз вақтида Россия U-19 ёшлар терма жамоасида 8та ўйинда майдонга тушиб, рақиб дарвозасини бир бор ишғол этгани, 2011 йили эса Россия U-21 ёшлар терма жамоасида 5та ўйин ўтказганини кўриш мумкин.

Бундан ташқари Голбан 2011 йили Чехия Супер Кубоги финали иштирокчиси саналади. Эътиборлиси “Слован” (Либерец) – “Сигма” (Оламуц) ўйинида Игорьнинг жамоаси 2:0 ҳисобида ғалаба қозонган.

“Қўқон-1912” йиғинида ўзини ҳар томонлама кўрсатишга эришган футболчи билан бугун расмий келишувга эришилди. Ўйлаймизки Игорь ўзига билдирилган ишончни оқлайди ва қисқа фурсат ичида ишқибозларнинг ёқимтойига айланади.

Маълумот учун:
Тўлиқ исм шарифи: Голбан Игорь Валерьевич
Туғилган йили: 31.07. 1990 йил
Туғилган жойи: Сочи,Россия
Фуқаролиги: Россия
Бўйи: 191 см
Вазни: 83 кг
Амплуаси: Марказий ҳимоячи

Ўйнаган жамоалари:
2008 “Сочи-04”  21 (0)
2009—2011 “Жемчужина-Сочи” 17 (1)
2011 “Локомотив” (Москва, Россия)  0 (0)
2012—2013 “Сигма” (Оламуц, Чехия)  5 (0)
2013—2014 “Шинник”  14 (0)
2014 “Химки”  0 (0)

Терма жамоада:
2009 Россия (U-19)  8 (1)
2011 Россия U-21)  5 (0)