"Челси" "Ювентус" ҳимоячисини сотиб олмоқчи

"Sky Italia" нашрининг ёзишича, Лондоннинг "Челси" клуби Маттейс де Лигтнинг трансфери ҳақида ўйламоқда.

22 ёшли нидерландиялик футболчининг шартномасида товон пули 120 миллион евро деб кўрсатилган. Унинг "кекса синьора" билан шартномаси 2024 йилда тугайди ва бу сана яқинлашгани сари "Ювентус" футболчининг эҳтимолий трансферига эътиборни кучайтиради.

Антонио Рюдигер ва Андреас Кристенсен шартномалари якунланганидан сўнг жамоани тарк этгани учун "Челси" ҳимояни мустаҳкамлаш учун номзодлар қидирмоқда.

Де Лигт 2019 йилда Амстердамнинг "Аякс" клубидан "Ювентус"га ўтган эди. У туринликлар сафида жами 87 та ўйин ўтказди ва 1 марта Италия чемпиони бўлди.