ЕЧЛ биринчи туридан ўрин олган "Челси" - "Зенит" ўйинига УЕФА президенти Александр Чеферин ташриф буюрди. Чеферин "Челси" футболчиларига ўтган йили УЕФА томонидан берилган индивидуал совринларни топширди. Лондон клуби мухлислари эса, УЕФА президентини хуштаклар садоси остида қарши олишган ва шу орқали ўз норозиликларини намойиш қилишган.
Эслатиб ўтамиз, Чеферин ва гранд клублар раҳбарлари ўртасида ҳали ҳам низолар давом этмоқда. УЕФА етакчиси яқинда, Суперлига лойиҳаси қатнашчилари бўлмиш клублар президентларини "қобилиятсиз" деб атаганди.
