“Чарм тўп-2019” мусобақаси Қашқадарё вилоят босқичи якунланди

Мазкур “Чарм тўп” анъанавий футбол мусобақасида вилоятнинг туман (шаҳар) босқичларида ғолиб бўлган 15 та жамоалардан 240 нафарга яқин 18-30 ёшли маҳалла ёшлари иштирок этишди.

Мусобақанинг биринчи кунги натижаларига кўра Ғузор туманидан ташриф буюрган “Авғонбоғ” МФЙ ёшлари фахрли 3-ўринни эгаллаган бўлсалар, мусобақанинг ҳал қилувчи финал йўлланмасига Касби туманидан ташриф буюрган “Оққамиш” МФЙ ёшлари ҳамда Косон туманидан ташриф буюрган “Навбаҳор” МФЙ ёшлар жамоалари эга чиқишди. 

Мусобақанинг финал босқичи жорий йилнинг 16 август куни Қарши шаҳрида жойлашган “Геолог” спорт соғломлаштириш мажмуасининг футбол майдонида байрамона тарзда ўтказилди ва фахрли 2-ўринни Касби туманидан ташриф буюрган “Оққамиш” МФЙ жамоаси эгаллаган бўлсалар, “Чарм тўп” анъанавий футбол мусобақасининг вилоят босқичида Косон туманининг “Навбаҳор” МФЙ жамоаси ғолибликни қўлга киритди ҳамда республика босқичига қатнашиш учун йўлланмага эга бўлишди.

Якунда ғолиб совриндор бўлган жамоалар диплом, медал, кубок ва эсдалик совғалари билан тақдирланадилар, шунингдек, мусобақа давомида фаол иштирок этган жамоа аъзолари турли номинациялар бўйича эътироф этилди.