UZ

Сўнгги янгиликлар

09:02"Бунёдкор" Качоррининг ўрнига Черногория U-21 терма жамоаси аъзоси билан шартнома имзолайди  1 08:26Файзуллаевнинг "Истанбул Башакшехир"даги маоши маълум  5 07:45ОКМК "Андижон"ни йирик ҳисобда мағлуб этди  6 00:49Шахзод Азмиддинов "Пахтакор" билан хайрлашди  11 00:15Ўзбекистон U-17 терма жамоаси "Чертаново" билан дуранг ўйнади  7 23:57"Реал" Конатени нишонга олди  2 23:28"Пахтакор" бугун Камолиддин Тожиевни бош мураббий этиб тайинлади, аммо унда Про лицензияси йўқ  7 23:14Расман: "Арсенал" Гёкерешни 63,5+10 млн еврога сотиб олди  9 22:58Гёкереш тиббий кўрикдан ўтди ва "Арсенал" билан шартнома имзолади (Фабрицио Романо)  3 22:35Назорат ўйини. "Нефтчи" ФарДУни аяб ўтирмади, Нимели ва Марушичдан дубль  8 22:17Александар Митрович - "Манчестер Юнайтед"нинг янги мақсади  3 21:45Назорат учрашуви. "Пахтакор" ва "Бунёдкор" жамоалари ўртасидаги ўйинда ғолиб номи аниқланмади  8 21:22"Тоттенхэм" Родриго учун курашга киришди  2 20:47"Манчестер Сити" Эдерсонни сотишга тайёр  2 20:20Ўртоқлик ўйини. "Сурхон" "Бухоро"дан устун келди  7

"Бунёдкор" академияси таъмирдан чиқарилади Янгиликлар

"Бунёдкор" академияси таъмирдан чиқарилади

Теглар :  "Бунёдкор"
Кеча тушдан сўнг «Бунёдкор» футбол клубининг ишчи гуруҳи «Бунёдкор» академияси ҳудудини назоратдан ўтказди.

Кеча тушдан сўнг «Бунёдкор» футбол клубининг ишчи гуруҳи «Бунёдкор» академияси ҳудудини назоратдан ўтказди. 2012 йилнинг 28 сентябрь куни фойдаланишга топширилган академиямизда ортда қолган йиллар давомида капитал таъмирлаш ишлари олиб борилмаган. Шу сабабли машғулот майдонларидан тортиб, кийим алмаштириш хоналари-ю, академия ҳудуди, футболчилар истиқомат қиладиган хоналар таъмирталаб ҳолатга келиб қолган. «Бунёдкор» фубол клуби директори Улуғбек Мирзаев бошчилигидаги ишчи гуруҳ барча машғулот майдонлари, кийим алмаштириш хоналари, академия биносини кўздан кечириб, барча камчиликларни диққат билан ўрганиб, бажарилиши шарт бўлган ишларни режага киритди, масъул инсонларга тегишли кўрсатмалар ва вазифалар белгилаб берилди.

- Хабарингиз бор, «Бунёдкор» академияси 2012 йил фойдаланишга топширилган. Бу муддат ичида академиямиздаги қатор жиҳозлар, инвентарлар, майдонлар ва ҳатто асосий биномизнинг том қисмлари таъмирталаб ҳолатга келиб қолган. Буни тўғри тушуниш лозим. Зеро, ҳар қандай буюмнинг яроқлик муддати бўлади, қолаверса, ўша муддат якунига етмасидан аввал ҳам қисман таъмирдан чиқарилади. Аммо «Бунёдкор» академиясида деярли 10 йил давомида капитал таъмир бўлмаган. Натижада ўз-ўзидан жиҳозлар эскирган, фойдаланишга яроқсиз ҳолатга келиб қолган. Биз клубимиз президенти билан маслаҳатлашган ҳолда академиямизга жиддий эътибор беришни, таъмирдан чиқаришни олдимизга бош режа қилиб олдик. Боиси, клублар молиявий томондан ўз-ўзини таъминлаш, ҳукуматимиз томонидан ажратиладиган ҳомийларнинг пулига тўлиқ қараб бўлиб қолмаслик мақсадида йиллик бюджетнинг камида 30 фоизини ўзи топиш йўлига ўтаётган экан, академиямиздан чиққан иқтидор эгалари бу борада бизга ёрдам беради. Ўз вақтида Сардор Рашидовнинг трансферидан яхшигина сумма ишлаб топган «Бунёдкор» ўтган йили Жасур Жалолиддинов орқали ҳам ўз бюджетини бойитди, қарздорликлардан қутилди. Айтмоқчиманки, академиямиз биз учун молиявий таъминот манбаи. Бизга яна шундай футболчилар керак. Шундай экан, академиямиздаги шароитларни жаҳон стандартларига мос ҳолатга олиб чиқишимиз шарт! Биз ишчи гуруҳ билан академиянинг ҳолатини тўлиқ ўрганиб чиқдик. Асосий ҳомиймиздан ташқари, маркетинг йўналиши бўйича ҳамкорларимиздан тушадиган пуллар эвазига тез орада академиямизда капитал таъмирлаш ишларини бошлаймиз, дея ўз фикрларини билдириб ўтди Улуғбек Мирзаев.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика