Бугунги тадбир. Болалар ўртасидаги турнир ғолиби - "Бунёдкор"

Тушга қадар "Ёшлик" спорт залида 2006 йилда таваллуд топган ёш футболчилар ўртасидаги турнирнинг ярим финал ҳамда учинчи ўрин учун беллашувлари бўлиб ўтган эди. 15:00да эса "Ўзбекистон" спорт мажмуасида турнирнинг финал баҳси бўлиб ўтди. "Бунёдкор" ҳамда "Пахтакор" ёшлари ўртасида ўтказилган учрашувда "қалдирғочлар" йирик 4:0 ҳисобида ғалаба қозонишди. Финал беллашувидан сўнг ғолиб ва совриндорларига эсдалик совғалари ва медаллар топширилди. Энг муҳими, мусобақада иштирок этган ҳеч бир жамоа норози кайфиятда ортга қайтмади. Сабаби, ҳатто тўртинчи ўринни эгаллаган "Локомотив" жамоасига ҳам медал ва кубок топширилди. Турнир жуда юқори даражада ўтказилди, бундан болакайлар ҳам бениҳоя ҳурсанд бўлишди.

2006 йиллар турнири
Финал

"Бунёдкор" - "Пахтакор" 4:0