Шу пайтгача "Машъал" сафида тўп тепиб келган ҳужумчи Марадона Сафаров айни кунларда ғузорликлар таркибида шуғулланмоқда. "Шўртан" 22 июль куни биринчи лига вакили "НБУ-Осиё"га қарши ўртоқлик учрашуви ўтказиб, 2:1 ҳисобида ғалаба қозонганди.
Клуб матбуот хизматининг хабар беришича, бугун жамоа "Локомотив" ўринбосарларига қарши ТТЙМИ стадионида навбатдаги назорат баҳсини ўтказади. Ўйин 18:00да бошланади. Жамоага янги қўшилган Марадона Сафаров ҳақида тўхталадиган бўлсак, мубораклик ҳужумчи "Машъал" тарбияланувчиси ҳисобланади. У биринчи даврада "газчилар" сафида тўртта ўйинда майдонга тушиб, ҳали гол ура олмади.
Агар ҳужумчи иккинчи даврани "Шўртан" таркибида ўтказса, балки гол уриши мумкин.
