Бугун Манчестер дербиси. Статистика ва қизиқарли маълумотлар
10 дек 2017 13:47
Янгиликлар

Бугун Манчестер дербиси. Статистика ва қизиқарли маълумотлар

Бугун, 10 декабрь куни Англия Премьер-лигасининг 16-тур учрашувлари доирасидан ўрин олган "Манчестер Юнайтед" - "Манчестер Сити" баҳси бўлиб ўтади.

Бугунги кунда Манчестер дербиси интизорлик билан кутиладиган ўйинлар орасида "Реал" ҳамда "Барселона" ўртасидаги "Эл-Классико"дан кейинги ўринни эгаллайди. "Олд Траффорд"да бўлиб ўтадиган дербига оид қизиқарли маълумот ва статистикаларни эътиборингизга ҳавола қиламиз.

Ушбу жамоалар ўртасидаги илк баҳс 1881 йилнинг 12 ноябрида бўлиб ўтган. Ўша пайтларда бу икки клуб бошқача ном билан аталар эди. "Манчестер Сити"ни "Вест Гортон, "Манчестер Юнайтед"ни эса "Ньютон Хит" деб аташган. 19 асрда бўлиб ўтган биринчи дербида "Ньютон Хит" яъни "Манчестер Юнайтед" 3:0 ҳисобида ғалаба қозонган.

1947 йил

"Олд Траффорд" ҳамда "Этихад" стадионлари орасидаги масофа узоқ эмас. Енгил машинада 10 дақиқа ичида биринчи аренадан иккинчисига етиб олишингиз мумкин.

МАНЧЕСТЕР ДЕРБИСИ
Жамоалар	Ғалаба	Дуранг	Мағлубият
"Манчестер Юнайтед"	72	52	50
"Манчестер Сити"	50	52	72

Йирик ҳисоб қайд этилган ўйинлар:

"Манчестер Юнайтед" - "Манчестер Сити" 1:6 (1926 йил)

"Манчестер Юнайтед" - "Манчестер Сити" 0:5 (1955 йил)

"Манчестер Юнайтед" - "Манчестер Сити" 5:0 (1994 йил)

"Манчестер Юнайтед" - "Манчестер Сити" 1:6 (2011 йил)

Ушбу жамоалар ўртасидаги сўнгги учрашув 10 декабрь куни Англия Премьер-лигаси доирасида бўлиб ўтган. "Этихад"даги баҳсда ҳисоб очилмаган (0:0).

Манчестер дербисида энг кўп иштирок этган футболчи Райан Гиггз ҳисобланади. "Манчестер Юнайтед" собиқ ярим ҳимоячиси 36та дербида тўп тепишга муваффақ бўлган.

Манчестер дербиси тўпурарлари:

Футболчилар	Клуб	Гол
Уэйн Руни	Манчестер Юнайтед	11
Жо Хайс	Манчестер Сити	10
Фрэнсис Ли	Манчестер Сити	10
Бобби Чарльтон	Манчестер Юнайтед	9
Серхио Агуэро	Манчестер Сити	8
Колин Белл	Манчестер Сити	8
Эрик Кантона	Манчестер Юнайтед	8
Брайан Кидд	Манчестер Сити, Манчестер Юнайтед	8
Жо Спенс	Манчестер Юнайтед	8
Пол Скоулз	Манчестер Юнайтед	7
Деннис Виоллет	Манчестер Юнайтед	7