Бугун футбол. Ўз майдонида гол ўтказмаётган "Бухоро" АГМКни қабул қилади
19 апр 2018 14:54
Янгиликлар

Бугун футбол. Ўз майдонида гол ўтказмаётган "Бухоро" АГМКни қабул қилади

Бугун Суперлиганинг 7-тур баҳсларига старт берилади. "Бухоро" ўз майдонида Олмалиқ шаҳрининг АГМК клубига қарши баҳс олиб боради.

Турнир жадвалида "Бухоро" 12 очко билан тўртинчи ўринни эгаллаб турибди. АГМК ҳисобида 8 очко бўлиб, улар 6-ўринда бормоқда. "Бухоро" бунгача ўтказилган уйдаги ҳамма учрашувларда ғалаба қозонди. Бухороликлар уйда "Қўқон-1912", "Сўғдиёна" ва "Пахтакор"дан устун келишди.

Қизиғи шундаки, "Бухоро" ўз майдонида ҳали гол ўтказгани йўқ. Тўплар нисбати 5-0. Жамоа охирги иккита ўйинини 1:0 ҳисобидаги ғалаба билан якунлади.

Биласизми? АГМК охирги уч ўйиндан бери мағлуб бўлмаяпти. Виктор Кумиков шогирдлари уйда "Локомотив" ва сафарда "Нефтчи"ни мағлуб этишди. Шунингдек, "Қўқон-1912" билан 0:0 ўйнашди.

Бугун Бухорода қизиқарли баҳс кечиши кутилмоқда. "Бухоро" ўз майдонида ҳужумкор ўйин кўрсатиши табиий. Аммо АГМК ҳам яхши таркибга эга ва уларда бўйдор футболчилар кўп. Имкониятлар борасида тенг дея оламиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +12