UZ

Сўнгги янгиликлар

10:00Салоҳ АПЛ чемпионлигига асосий даъвогар жамоа номини айтди  1 09:32Украиналик футболчи учун курашда "Бенфика" ютиб чиқди  0 08:40Бухорога Суперлига ўйинларини қайтариш ҳаракати бошланди  1 08:17Sofascore. Захирадан майдонга тушган Ўринбоев энг катта баҳолардан бирини олди  3 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  1 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  26 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  22 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  52 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  8

Бугун футбол. "Локомотив" - "Қизилқум" Янгиликлар

Бугун футбол. "Локомотив" - "Қизилқум"

Бугун бўлиб ўтадиган иккита ўйин билан Суперлиганинг 12-тур баҳсларига якун ясалади.

ТТЗдаги "Локомотив" стадионида "Локомотив" Навоийнинг "Қизилқум" клубини қабул қилади. Турнир жадвалида "Локомотив" 4-ўринни эгаллаб турибди ва жамоа 18 очко жамғарган. "Қизилқум" эса 9 очко билан 10-ўринда бормоқда.

Бугун "Локомотив" ўз майдонида жорий мавсум ҳисобидан Суперлигадаги 6-учрашувини ўтказади. Бўлиб ўтган бешта ўйиндан иккитасини "темирйўлчилар" ғалаба билан якунлашган ("Сўғдиёна" 2:0, "Бухоро" 3:1), шунингдек уч марта дуранг ўйнашган ("Металлург" 1:1, "Қўқон-1912" 1:1, "Пахтакор" 0:0). Қайд этиш лозим, "Локомотив" "Пахтакор"га қарши баҳсни "Бунёдкор" стадионида ўтказган.

Биласизми? "Локомотив" ўз майдонида ҳали мағлуб бўлмаган. Ўз уйида ютқазмаган жамоалар Суперлигада тўрттани ташкил этяпти: "Пахтакор", "Локомотив", "Навбаҳор" ва "Қўқон-1912".

Факт: "Локомотив" охирги бешта ўйиннинг тўрттасини ғалаба билан якунлади ва ўз ҳолатини анча яхшилаб олди. "Локомотив"нинг охирги бешта ўйиндаги тўплар нисбати 11-3. "Локо" охирги иккита баҳсда еттита гол урди.

"Қизилқум" ҳақида гапирадиган бўлсак, бу жамоа мавсумни айнан бугунги рақибига қарши бошлаб, ўз майдонида 0:3 ҳисобида мағлуб бўлганди. Бугун "олтин изловчилар" ўша мағлубият аламини олишга ҳаракат қилишади. Албатта, имкониятлар борасида "Қизилқум" мақтана олмайди, шунга қарамай очко олишга уриниб кўриши турган гап.

"Қизилқум" шу пайтгача ўтказилган баҳсларнинг фақат учтасида ғалаба қозонди ("Сўғдиёна" 3:1, "Нефтчи" 1:0, АГМК 3:0). Саккизта беллашувда эса имкониятни бой берди. Бу жамоа ҳозирча дуранг ўйнамаган. Шунингдек, "Бухоро" ҳам Суперлигада дуранг қайд этгани йўқ.

Биласизми? "Қизилқум" ҳозирча сафарда тўртта ўйин ўтказиб, шундан фақат биттасида ғалаба қозонган. Жамоа 4-турда "Сўғдиёна"ни мағлуб этиб қайтган. "Қизилқум"нинг сафардаги тўплар нисбати 4-7.

Факт: "Қизилқум" охирги иккита баҳсда мағлуб бўлди. Жамоа ўз майдонида "Металлург"га 1:2 ва сафарда "Навбаҳор" 0:3 ҳисобида ютқазиб қўйди.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика