Бугун "бургутлар" ва "шерлар" тўқнашуви бўлади

Бугун "Пахтакор"га қарши баҳс билан "Андижон" иккинчи давра ўйинларини бошлайди. Бош ҳакам: Рустам Бобомуродов. Ўйин 18:00да старт олади.

Турнир жадвалидаги ўрни: "Андижон" 15-ўринда (9 очко), "Пахтакор" 5-ўринда (27 очко).
Очколар орасидаги фарқ - 18 очко.

Таъриф: Иккала жамоа давралар оралиғида бир нечта ўртоқлик учрашувида майдонга тушди. Биринчи расмий ўйиндан олдин имкониятларни баҳолаш бирмунча қийин. Биринчи даврадан сўнг "Андижон" сафида кўплаб ўзгаришлар рўй берди. "Пахтакор" таркибида эса деярли катта ўзгаришлар бўлгани йўқ.

Факт: "Андижон" қаторасига еттита беллашувда мағлубиятга учраган жамоа бўлиб турибди. Жамоа ўз майдонида фақат уч марта ғалаба қозонган. Кейинги учта баҳсда эса имкониятни бой берди. "Пахтакор" эса биринчи давранинг охирги бешта ўйинидан тўрттасини ғалаба билан якунлади.  

Факт: Тошкентда кечган биринчи давра ўйинида "Пахтакор" 2:1 ҳисобида ғалаба қозонган.
Олий лига, 1-тур.
«Пахтакор» – «Андижон» – 2:1.
Голлар: И. Сергеев (9), Ж. Машарипов (53) – Н. Йованович (69).

Эслатма: Кеча бўлиб ўтган ёшлар лигаси баҳсида ёш "пахтакорчилар" 1:0 ҳисобида зафар қучишди.