Бу қизиқ. Жаҳоннинг 20 нафар энг машҳур футбол агент(лик)лари

Чунки футболчилар у жамоадан бунисига кўчиб ўтаётганда агентлар катта роль ўйнашади. Жаҳон футболини мунтазам ёритадиган 

сайтларидан бири fourfourtwo.com дунёнинг энг кучли 20 нафар футбол агенти (агентлиги) номини эълон қилди. 

20. "Бейз Соккер" агентлиги 

Бу агентлик асосан Буюк Британия футбол бозорини бошқаради ва таркиби бир нечта кишидан иборат. Агентлик ўз фаолиятини 90-йилларда 

бошлаган.

Энг машҳур бешта мижози: Аарон Рэмси, Андре Айю, Кайл Уолкер, Дэнни Роуз, Эшли Янг. 

19. Фернандо Фелисевич 

У кўпинча чилилик футболчиларни Европага ўтказиш билан шуғулланади. Баъзи футболчилар унга ҳатто ўз отасидек муомала қилишади. 

Энг машҳур бешта мижози: Алексис Санчес, Артуро Видал, Клаудио Браво, Гари Медел, Ангело Энрикес. 

18. ПРО Профил (Томас Крот)

Европа футболида ПРО Профил лақаби билан машҳур Томас Крот футболчилик пайтида катта совринларга эришмаган. Лекин агентлик 

соҳасига кириб келганидан сўнг иши анча ривожланиб кетди. 

Энг машҳур бешта мижози: Мануэль Нойер, Шинжи Оказаки, Шинжи Кагава, Кевин Волланд, Патрик Херрманн. 

17. "FirstEleven ISM" агентлиги 

Бу ҳам агентлик ҳисобланади ва кўпинча француз футболчиларининг катта клубларга ўтишида хизмат қилади. 

Энг машҳур бешта мижози: Фабиан Делф, Винсан Янссен, Деян Ловрен, Матье Вальбуэна, Франсис Коклен.

16. "Kick and Run" спорт менежменти 

Бу агентлик "Монако" билан яхши алоқаларни йўлга қўйган, шунингдек "Арсенал" ва "Челси" билан ҳам фаол ишлаб келмоқда. 

Энг машҳур бешта мижози: Виллиан, Фабиньо, Дэнни Уэлбек, Андреас Кристенсен, Габриэль. 

15. "Key Sports Management" агентлиги 

"Футбол агентлари ахлоқсизми? Ҳамма эмас! Биз яхши хизмат кўрсатамиз". "Key Sports Management" мана шу гапни ўзига шиор қилиб олган.

Энг машҳур бешта мижози: Жэйми Варди, Тео Уолкотт, Жордан Хендерсон, Райан Бертранд, Фил Жонс. 

14. Мануэль Гарсиа Килон 

Унинг Мадридда ўз офиси бор ва кўпинча испанияликлар билан шуғулланади. 2011 йил агентликни ташламоқчи эканлигини маълум 

қилганди, аммо ҳалигача бу ниятидан воз кечгани йўқ.

Энг машҳур бешта мижози: Рафаэль Бенитес, Фелипе Луис, Пепе Рейна, Хави Гарсия, Алваро Арбелоа. 

13. "Europe Sports Group" агентлиги 

Бу агентлик 600-700 нафар футболчи билан шуғулланади. Уларга фарқи йўқ, ким келса ҳам шартнома имзолаб қўяверишади. Мижозлари 

асосан бразилиялик. 

Энг машҳур бешта мижози: Витиньо, Вандерсон, Эммануэль Инсуа, Алберт Адома, Хуан Карлос Паредес. 

12. "Bahia Internacional" агентлиги 

Ушбу агентликнинг асосчиси испаниялик Хосе Отин ҳисобланади ва у асосан испаниялик футболчиларнинг Англияга йўл олишида катта 

роль ўйнайди. 

Энг машҳур бешта мижози: Педро, Хави Мартинес, Фернандо Торрес, Дани Парехо, Борха Бастон.

11. "MJF Publicidade e Promocoes" агентлиги 

Бу агентлик икки киши томонидан юритилади: Хуан Фигер ва Вагнер Рибейро. Уларнинг 16 йил олдин амалга оширган энг катта иши 

Фигунинг "Барса"дан "Реал"га кўчиб ўтишини таъминлаш бўлганди. Энди бўлса Неймарни ПСЖга ўтказишмоқчи. 

Энг машҳур бешта мижози: Неймар, Халк, Лукас Моура, Робиньо, Клеберсон. 

10. "SportsTotal" агентлиги 

Бу агентликни германиялик Волкер Струт бошқаради. У бир пайтлари ёшгина Марио Гётцени футбол аҳлига танитганди. Волкер Струтнинг 

Пеп Гвардиола билан муносабатлари яхши эмас, чунки унинг фикрича Гётцени айнан Гвардлиола "синдирган". 

Энг машҳур бешта мижози: Тони Кроос, Марко Ройс, Бенедикт Ховедес, Йосип Дрмич, Гонсало Кастро. 

9. "Sports Entertainment Group" агентлиги 

15 йилдан бери фаолият юритиб келаётган ушбу агентлик голланд футболини эгаллаб олган десак ҳам бўлаверади. Шунингдек, бошқа 

давлат футболчилари билан ҳам ишлайди. 

Энг машҳур бешта мижози: Мемфис Депай, Кевин Стротман, Стефан де Врий, Томас Вермален, Седрик Соарес. 

8. ROGON футбол агентлиги

Роберто Фирмино қандай қилиб "Ливерпул"га бориб қолган бўлиши мумкин? Бунинг жавобини ROGON футбол агентлигидан топасиз. 

ROGON асосан Германия бундеслигаси юлдузлари билан ишлайди. 

Энг машҳур бешта мижози: Роберто Фирмино, Луис Густаво, Жулиан Дракслер, Рикардо Родиригес, Марсел Шмельцер. 

7. "Promoesport" агентлиги 

Бу агентлик ҳам 15 йилдан бери фаолият юритиб келмоқда. "Барса"нинг баъзи футболчилари айнан ушбу агентлик мижозлари ҳисобланади. 

Ўтган беш йил ичида "Promoesport" Испаниянинг бешта жойини эгаллаб олди ва Африканинг еттита давлатида ўз офисини барпо этди. 

Энг машҳур бешта мижози: Эрик Байе, Денис Суарес, Алеиш Видал, Адама Траоре, Диего Алвеш.

6. Жулиано Бертолуччи

Ўз вақтида сув полоси бўйича турли мусобақаларда қатнашган Жулиано Бертолуччи бугунги кунда футбол агенти ҳисобланади. Унинг 

асосий трансферлари "Челси" билан боғлиқ. Хусусан Бертолуччи Алекс, Рамирес, Оскар, Виллиан, Натан, Давид Луис каби футболчиларнинг 

"Челси"га ўтишида катта рол ўйнаган. 

Энг машҳур бешта мижози: Маркиньос, Давид Луис, Оскар, Виллиан, Хуан Хесус. 

5. Жонатан Барнетт

Барнетт "Stellar Group"нинг хўжайини. У футбол оламида жуда машҳур. Жонатан Барнетт бир гал матбуотга берган интервьюсида шундай 

деганди: "Биз жуда катта агентликмиз. Бизга яқин фақат Жорже Мендес бўлиши мумкин". 

Энг машҳур бешта мижози: Гарет Бэйл, Гржегорс Кричовиак, Жо Харт, Люк Шоу, Эшли Коул. 

4. Пер Гвардиола 

Мураббий Пеп Гвардиоланинг укаси Пер Гвардиола агентлик билан шуғулланишини кўпчилик билмаса керак. Лекин унинг мижозлари 

анчагина машҳур. У "Media Base Sports"нинг 55 фоиз акцияларига эга. 

Энг машҳур бешта мижози: Пеп Гвардиола, Луис Суарес, Андрес Иньеста, Тиаго Алькантара, Педро Обианг. 

3. "Mondial" спорт менежменти

Бу агентлик ҳам Европада ўз номига эга. Тўғри, унинг мижозларидан бири Пато зўр ўйнаб кета олмади, аммо яхши ўйнаб кетган 

футболчилар ҳам етарлича топилади. 

Энг машҳур бешта мижози: Дуглас Коста, Филипп Коутиньо, Дмитрий Пайе, Эдинсон Кавани, Рияд Маҳрез. 

2. Мино Райола

48 ёшли Райола бир пайтлари пицца сотиб кун кўрганини кўпчилик билмаса керак. Энди бўлса у машҳур футбол агенти. У аразлаб кетиб 

қолган Погбани яна МЮга қайтара олди. Райоланинг шиори шундай: "Пул ва куч, куч ва пул". 

Энг машҳур бешта мижози: Пол Погба, Златан Ибрагимович, Генрих Мхитарян, Марио Балотелли, Ромелу Лукаку. 

1. Жорже Мендес 

Ниҳоячт, биринчи ўринга Жорже Мендес қўйилди. Португалиялик агент биринчи навбатда ўз ватандошлари билан ишлайди. Айнан унинг 

саъй-ҳаракатлари туфайли Деко, Тиаго, Иларио, Рикардо Карвальо, Куарежма, Пауло Феррейра, Диего Коста ва Радамел Фалькао "Челси"га 

ўтишганди. Албатта, унинг энг кучли мижози Криштиану Роналду ҳисобланади. 

Энг машҳур бешта мижози: Жозе Моуриньо, Криштиану Роналду, Ренато Санчес, Виллиам Карвальо, Тиаго Сильва.