"Бойсун тоғлари-2018" ярим финалчилар аниқланди

2007 йилда таваллуд топган футболчилар иштирокидаги баҳсларда пойтахтнинг "Тошкент Сити" жамоаси, гуруҳдаги сўнгги ўйинда "Шердор"ни 2:1 ҳисобида мағлубиятга учратиб биринчи ўрин билан ярим финалга йўл олди. "А" гуруҳида ҳам ўйинлар қизғин кечди. "Локомотив Бойсун" ва "Шўрчи" жамоалари ўртасида кечган муросасиз баҳсда тоғликлар 4:3 ҳисобида зафар қучдилар.

Эртага ярим финал учрашувлари бўлиб ўтади. Унда "Локомотив Бойсун" - "Шердор" ва "Тошкент Сити" - "Шўрчи" жамоалари финал йўлланмасини учун баҳс олиб борадилар.

2010 йилларда таваллуд топган болажонлар ўртасида бўлиб ўтаётган мусобақада эса "Odil Junior" Самарқанднинг "Шердор" жамоасини мағлубиятга учратдилар. Эртага бу ёшда турнирнинг сўнгги кун ўйинлари бўлиб ўтади. Пойтахтликлар каби барча ўйинларда ютиб келаётган "Локомотив Бойсун" ва "Odil Junior" жамоалари ўртасида бўлиб ўтадиган 5-тур ўйини ким чемпион бўлишини аниқлаб беради.