Блаттер: "Яқин орада янги президент сайланади"

79 ёшли Блаттер 29 май куни бешинчи муддатга қайта сайланганди. У сайловда Иордания шаҳзодаси Ал Ҳусайн устидан ғалаба қозонганди.

"Мен узоқ йиллар давомида ФИФА ва футболдек ажойиб спорт тури билан боғлиқ ишда фаолият олиб бордим. Мен ФИФАни бошқалардан кўра кўпроқ яхши кўраман ва ташкилотни фақат ва фақат яхшилаш тарафдориман. Шу сабабли, президентлик лавозимида қолишга қарор қилгандим. Мени қайта сайлашганида менга янги имконият яратилганди. Лекин, ҳамма ҳам ушбу қарорни қўллаб-қувватламаяпти.

Шу сабабли навбатдан ташқари чақириқ ўтказдим ва ўз ваколатларимни топширмоқчиман. Ва энди янги президент сайланади. Режадаги кейинги конгресс 2016 йилнинг майида Мексикада ўтказилади. Лекин, биз бунча кута олмаймиз. Шу сабабли, ФИФА ижроия қўмитасидан иложи борича тезроқ навбатдан ташқари конгрессни ташкил қилишини сўраб қоламан", - дейди Блаттер.