Биласизми? "Сўғдиёна" 36та ўйиндан сўнг яна йирик ҳисобда ғалаба қозонди
13 июл 2018 13:42
Янгиликлар

Биласизми? "Сўғдиёна" 36та ўйиндан сўнг яна йирик ҳисобда ғалаба қозонди

Жиззахнинг "Сўғдиёна" клуби кеча Суперлига 14-тур доирасида "Бухоро" билан куч синашди.

Мазкур беллашув майдон эгаларининг 3:0 ҳисобидаги ғалабаси билан якун топди. Ўйинда Никола Милинкович, Санжар Рашидов ва Шоҳруз Норхонов томонидан киритилган голлар майдон эгаларига навбатдаги уч очкони тақдим этди.

Статистикага мурожаат қиладиган бўлсак, "Сўғдиёна" бунгача охирги марта 2017 йил олий лиганинг 9-турида йирик ҳисобда зафар қучган экан. Ўшанда жиззахликлар уйда "Машъал"ни 3:0 ҳисобида мағлуб этишган, энг қизиғи, ўша ўйинда ҳам Санжар Рашидов гол урганди.

Шундан сўнг ўтган йил 21та, бу йил 15та - жами 36та баҳс ўтиб "Сўғдиёна" яна йирик ҳисобда зафар қучди. Айтиш мумкинки, кеча "Сўғдиёна" ушбу мавсумдаги энг яхши ўйинларидан бирини намойиш этди.

Ҳавола :

Манба : championat.asia

Янгиликларни Телеграмда ўқинг!

Рейтинг: +14