Биласизми? "Олмалиқ" ўз майдонида биринчи марта гол ўтказди
07 авг 2017 11:49
Янгиликлар

Биласизми? "Олмалиқ" ўз майдонида биринчи марта гол ўтказди

Олий лиганинг 16-туридан ўрин олган "Олмалиқ" - "Бухоро" учрашуви 1:1 ҳисобида якун топди.

Бу ўйин "Олмалиқ" учун ўз майдонидаги 8-учрашув бўлди. Жамоа аввалги еттита баҳсда ўз дарвозасидан гол ўтказиб юбормаганди. Аммо "Бухоро" билан кечган учрашувда бу анъанага барҳам берилди. 70-дақиқада "Бухоро" ҳужумчиси Иван Нагаев "Олмалиқ" дарвозасига тўп киритишга муваффақ бўлди.

Натижада "Олмалиқ" бу йил ҳисобидан ўз дарвозасидан дастлабки голни ўтказиб юборди. Виктор Кумиков шогирдлари бунгача уйда "Бунёдкор", "Насаф", "Қизилқум", "Динамо", "Металлург", "Пахтакор", "Қўқон-1912" клубларига қарши майдонга тушиб ўз дарвозалари дахлсизлигини сақлаб келишаётганди.

Х.Холиқов

Ҳавола :

Манба : championat.asia

Янгиликларни Телеграмда ўқинг!

Рейтинг: +1