Бэйл "Реал"да иккинчи даражали ролда бўлишни истамаяпти

2017/18 мавсум якунланганидан сўнг Бэйлнинг агенти Англиядан трансфер учун вариантлар излашни бошлаган ва футболчининг кетиши учун "Реал" раҳбарияти билан музокара ўтказмоқчи эди. Зиданнинг истеъфоси жараённи тўхтатиб қўйди ва йиғилиш бир неча ҳафта кейинги сурилди.

Роналдунинг "Ювентус"га трансферидан сўнг Бэйл вакиллари учрашувни бекор қилишди ва ҳаммаси душанба куни ҳал бўлиши мумкин. Шу куни уэльслик таътилни якунлайди ва клуб базасидаги биринчи машғулотни ўтказади.

Бэйл Лопетеги билан учрашиб, ўзининг келажаги ҳақида музокара ўтказмоқчи. 28 ёшли хавбек Лопетегидан жамоадаги ролини билмоқчи.

Бэйлнинг мақсади - "Реал"да қолиш, аммо иккинчи даражали ролда эмас. Уэльсликнинг атрофидагилар клуб уни сотмаслигига ишонади.