Беллингем учун курашда МЮни нима орқага тортяпти?
02 мар 2023 10:35
Янгиликлар

Беллингем учун курашда МЮни нима орқага тортяпти?

"Манчестер Юнайтед"нинг сотилиши билан боғлиқ жараён клубнинг Жуд Беллингем учун курашига таъсир қилмоқда.

Инглиз клуби сўнгги бир неча ҳафталарда бутунлай сотиб юборилиши борасида хабарлар тарқалганди. Клубнинг эҳтимолий сотувидаги ноаниқлик баъзи ўринларда таъсирини кўрсатмоқда.

"Қизил иблислар" Англия терма жамоаси ва "Боруссия" Дортмунд юлдузи Жуд Беллингем учун асосий даъвогарлардан бири бўлиб келаётган эди. Бироқ ҳозирга келиб АПЛ вакили бошқа рақобатчиларидан орқада қолаётгани айтилмоқда.

"Ливерпуль", "Реал" ва "Манчестер Сити" немис клубининг 19 ёшли ярим ҳимоячиси учун жиддий қизиқиш билдирмоқда. Беллингем катта эҳтимол билан ёзги трансферлар ойнасида клубини алмаштиради.

Глейзерлар оиласи шу пайтгача "Олд Траффорд"га эгалик қилувчи клуб учун даъвогарлардан камида иккита аниқ таклиф олган эди.

Ҳавола :

Манба : ESPN

Янгиликларни Телеграмда ўқинг!

Рейтинг: