UZ

Сўнгги янгиликлар

10:12Европанинг ТОП клублари 60-70 миллион таклиф қилаётган футболчини "Реал" 14 миллионга сотиб олиши мумкин  0 09:46Янги Тошкент стадиони лойиҳаси бўйича учрашув ўтказилди  6 09:18"Манчестер Сити"нинг ёздаги асосий трансфер мақсади маълум  0 08:51Ўзбекистон МТЖнинг асосий футболчиси "Андижон"га ўтмоқда  12 08:25Левченко "Нефтчи"да қоладими? Мураббий бу саволга жавоб берди  4 07:55Барчаси "Сантос" учун. Неймар севимли жамоаси учун операциядан воз кечди  1 07:46Неймар гол+пас қайд этган баҳсда "Сантос" йирик ғалабани қўлга киритди  3 07:26Суперлига. Бугун 2 ва 3-ўрин эгаллари аниқланaди  5 01:35Ханси Флик: "0:3 ҳисобидан кейин кайфият тушган"  7 01:14"Арсенал" собиқ футболчиси: "Менимча Слотга Рождествогача имконият берилса керак"  4 00:59Рубен Аморим: "Агарда ўйин сифатини ҳисобга олсак, биз кўпроқ очко тўплашимиз керак эди"  2 00:39Оливер Гласнер МЮни мақтади  1 00:15Сульшер Анчелотти билан бўлган қизиқ ҳолат ҳақида гапирди  5 23:53Гирассини фақатгина 7 клуб сотиб олиши мумкин  1 23:39Манба: Самвел Бабаян - "Андижон" бош мураббийи!  61

Бекзод Қодирқулов: "Тезкор гол режаларимизга таъсир кўрсатди" Янгиликлар

Бекзод Қодирқулов: "Тезкор гол режаларимизга таъсир кўрсатди"

Про лиганинг 4-туридан ўрин олган "Шўртан" – "Янгиер" (4:0) учрашувидан сўнг меҳмонлар бош мураббийи Бекзод Қодирқулов матбуот анжуманида иштирок этди.


- Ўйин ҳақида

- Бугунги учрашув қийин ўтишини билардик. "Шўртан"да ҳам, бизда ҳам аввалги турларда қайд этилган натижалар бир хил эди. Мезбонлар ғалаба учун майдонга чиқишини билган холда учрашувга жиддий тайёргарлик кўргандик. "Шўртан"нинг тезкор голи режаларимизга таъсир кўрсатди. Йигитлар биринчи бўлимда руҳан тушкунликка тушиб, оддий вазиятларда хатоликларга йўл қўйишди.

- Иккинчи бўлимда захирадан қўшилган футболчилар ўйинни кучайтира олишди, деб айтсак бўладими?

- 3 та тўп фарқи билан ҳисобда ортда қолаётганимизда ўйинни ўзгартириш учун кескин чоралар қўллашимиз лозим эди. Ҳужумни кучайтириш мақсадида захирадан футболчиларни туширдик. Бутун жамоа ёмон ўйин кўрсатди. Мағлубиятга айбдор мураббий бўлади, шу сабабдан жавобгарликни ўз зиммамга оламан.

- Асилжон Бегимқуловнинг ўйинига қандай баҳо берасиз?

- Бегимқулов ҳар доим бор кучини бериб ўйнайди, унга нисбатан эътирозим йўқ. Ҳимоячилар ўз худудларини ёпишда хатоликларга йўл қўйишди.

- Жамоада ҳужумларини якунлашда муаммолар бордек кўринмоқда...

- Ўтган турларда ҳам ёмон ўйин кўрсатмагандик. Ҳақиқатан ҳам ҳужумларни якунлашда муаммолар кўзга ташланмоқда. Хатолар устида ишлаймиз, батафсил кўриб чиқамиз. 

- "Машъал" жамоаси бош мураббийи "Янгиер" майдони ҳақида гапириб, комбинацион ўйин ташкил этиб бўлмайди, дея фикр билдирди. Бу ҳақда сизнинг фикрингиз қандай?

- Бу йил ёғингарчиликлар кўп бўлди ва майдон сифатига таъсир кўрсатмасдан қолмади. Майдонимиз ёмон эмас, навбатдаги турларга яхши ҳолатга келтирилади. Мутахассислар мунтазам майдон устида иш олиб боришмоқда.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика