"Bein Sports Arabia 8 HD" бугунги ўйинни қандай трансляция қилади?
08 сен 2014 16:08
Янгиликлар

"Bein Sports Arabia 8 HD" бугунги ўйинни қандай трансляция қилади?

Сайтимизда бир оз аввал Ўзбекистон - Янги Зеландия учрашувини "Bein Sports Arabia 8 HD" (Африка ва Осиёнинг 23 мамлакати, араб давлатлари)ва "SKY Sport 3" (Янги Зеландия) каналлари тўғридан-тўғри кўрсатиши ҳақида хабар бергандик.

Бир оз аввал бу масала юзасидан ЎФФ матбуот хизмати раҳбари Санжар Ризаевдан жавоб олдик. Маълум бўлишича, ЎФФга ўйинни намойиш этиш истаги билан Янги Зеландия томони мурожаат қилган ва уларга ижобий жавоб берилган. "SKY Sport 3" учрашувни фақат ўзи намойиш этади, уни бошқа бирор каналга сотишга ҳақли эмас. 23 араб мамлакатига ўйинни трансляция қилиши кутилаётган "Bein Sports Arabia 8 HD" эса ЎФФ билан боғланмаган. Бу ҳақда ЎФФ хабар беради. Бу телеканал дастурида бир неча кундан буён Ўзбекистон - Янги Зеландия учрашуви жонли эфирда берилиши кўрсатиб ўтилган. Шу ўринда ушбу телеканалга трансляция ҳуқуқи қандай ва ким тарафидан сотилгани мавҳум бўлиб қолмоқда. Ушбу канал алоқа сигналини фақат бизнинг вакиллар тарафдан олиши мумкин. Жуда ҳам қизиқ ҳолат, шундай эмасми?

Ҳавола :

Манба : championat.asia

Янгиликларни Телеграмда ўқинг!

Рейтинг: