“Барселона” “Эл Класико”даги ҳакамлик устидан шикоят қилди

“Барселона” Ла Лига 7-тури доирасида “Реал”га қарши ўтган ўйиндаги бош ҳакам Хуан Мартинес Мануэра устидан Испания Қироллик футбол федерациясига расмий шикоят йўллади. Маълум бўлишича, каталонияликлар ўйинда белгиланган пенальти ноҳақ белгиланди деб ҳисобламоқда. Бу шикоят орқали клуб 2020/21 йилги мавсум VAR сабаб юзага келган қарорларнинг бир қанча танқидларга сабаб бўлаётганига футбол федерацияси эътиборини қаратишга эришмоқчи.

Эслатиб ўтамиз, “Барселона”—“Реал” учрашувида Клеман Лангле ўз жарима майдончасида Серхио Рамосни футболкасидан тортгани учун бош ҳакам VAR'га мурожаат қилиб, “Реал” фойдасига пенальти белгилаган эди.