"Барселона" билан 21та соврин ютган дарвозабон ҳақида нималар биласиз?

Футболчилик фаолияти
Виктор Вальдес Аррибас 1982 йили 14 январь куни Каталониянинг Оспиталет-де-Льобрегат шаҳрида дунёга келган. Виктор Вальдес футболчилик фаолиятини 1992 йили “Барселона”нинг ёшлар жамоасида бошлаган. Вальдес “Барселона” клуби тарбияланувчиси ҳисобланади. Шундай бўлсада Виктор оиласи билан Тенерифе шаҳрига кўчиб келган ва жамоани тарк этган. Орадан 3 йил ўтган Вальдес собиқ жамоасига қайтиб келган. Вальдес “Барселона”га қайтгач у тезда спорт чўққисига қайта олди. 2002/2003 йили даргентиналик Роберто Бонанога рақобатчи дарвозабон бўлган. Аммо аргентиналик посбоннинг ишончсиз ўйинларидан сўнг, жамоа бош мураббийи Радомир Антич Виктор Вальдесга “Барселона”нинг асосий таркибидан жой ажратган. 2003/2004 йили жамоага туркиялик машхур посбон Рюштю Рачбер келгандан кейин ҳам Виктор биринчи рақамли дарвозабон бўлиб қолди. 2004/2005 йили дарвозабон “кўк-анорранглилар” таркибида деярли барча учрашувларда майдонга тушган ва олти йилда “Барселона”га биринчи совринни олишга ёрдам берган. Шунингдек Вальдес Испания чемпионатида энг яхши дарвозабонларни тақдирлайдиган Рикардо Саморанинг қўлидан соврин олган. 2007 йил 17 июнь куни Испания чемпионатининг сўнги турида Виктор “Барселона” клубида дарвозабонлар рекордини қайд этган Андони Субисарретани рекордини такрорлади. Субисаррета ва Вальдесдан бошқа ҳеч бир дарвозабон “Барселона” таркибида чемпионатди бошидан охиригача барча учрашувларда иштирок этмаган.

“Манчестер Юнайтед” ва "Мидлсбро"
2015 йили қаҳрамонимиз Англиянинг “Манчестер Юнайтед” клуби билан бир йиллик шартнома имзолаган. 2015 йил 17 май куни Вальдес “Арсенал”га қарши учрашувнинг 76-дақиқасида захирадан майдонга тушган ва ўз дарвозасидан битта тўп олиб чиққан. Ушбу баҳс Виктор учун “қизил иблислар” таркибидаги биринчи ўйин бўлган. 24 май куни посбон Халл Сити”га қарши учрашувда асосий таркибда майдонга чиққан ва ўз дарвозаси даҳлсизлигини сақлаб қолган. Вальдес мавсум оралиғида ҳар йили АҚШда бўлиб ўтадиган турнирда клуб билан қўшма штатларга бормагани учун “Манчестер Юнайтед” бош мураббийи билан жанжаллашиб қолган. Мавсум бошида мураббийлар штаби Виктор Вальдесни қайдномага киритмади ва у жамоадан кетиши кераклиги тушуниб етган. Аммо Вальдес ёзги трансфер ойнаси вақтида ҳам клубни тарк этмаган.  2016 йил 24 январь куни дарвозабон “Стандард” жамоасига ижара асосида кўчиб ўтган. 2016 йилнинг 7 июль куни эркин агент сифатида Англиянинг “Мадлсбро” жамоаси билан икки йиллик шартнома имзолаган. Ўтган мавсумда “Мидлсбро” Премьер-лигадан қуйи лигага тушиб кетган ва томонлар ўзаро келишган халто шартнома бекор қилинган.

Шахсий ҳаёти
Виктор Вальдес Йоланда Кардона билан учрашиб қолган ва турмиш қуришган. 2009 йил 20 августь куни улар ўғил фарзанд кўришган ва чақалоққа Дилан деб ном беришган. 2012 йили 16 ноябрь куни Викторнинг иккинчи ўғли дунёга келган. Унга Кай деб исм қўйишган. 2013 йил 3 октябрь куни рафиқаси Виктор Вальдесга қизча дунёга келтирган ва унга Вера деб ном беришган.

ЮТУҚЛАРИ
“Барселона”
Испания чемпиони (6): 2004/05, 2005/06, 2008/09, 2009/10, 2010/11, 2012/13
Испания кубоги соҳиби (2): 2008/09, 2011/12
УЕФА кубоги соҳиби(3): 2005/06, 2008/09, 2010/11
УЕФА Суперкубоги соҳиби (2): 2009, 2011
Клублар ўртасида жаҳон чемпиони (2): 2009, 2011
Барча совринлар: 21та соврин
Белгия чемпионати  “Стандард” клуби
Белгия кубоги соҳиби: 2015/16
Барчаси: 1та соврин

Испания терма жамоаси
Жаҳон чемпиони: 2010
Европа чемпиони: 2012
Барчаси: 2та соврин
Самора соврини (5): 2004/05, 2008/09, 2009/10, 2010/11, 2011/12
Испания чемпионатида энг яхши дарвозабон (2): 2009/10, 2010/11
ESM версияси бўйича йил жамоаси: 2010/11

Тўлиқ маълумот
Туғилган йили 14 январь 1982 йил (35 ёш) Оспиталет-де-Льобрегат, Испания

Фуқаролиги - Испания
Бўйи 183 см
Вазни 78 кг
Амплуаси Дарвозабон

КЛУБДАГИ ФАОЛИЯТИ  
Ёшлар фаолияти
1992  Испания “Барселона”
1992—1995 Испания “Тенерифе”
1995—2000 Испания “Барселона”
Профессионал фаолияти
2000—2014  Испания “Барселона”  387 (-320)
2000—2002  Испания “Барселона B” 77 (-55)
2015—2016  Англия “Манчестер Юнайтед” 2 (-1)
2016  Бельгия “Стандард” (Льеж) 6 (-11)
2016—2017  “Мидлсбро”  28 (-36)
Миллий терма жамоа
2000—2001  Испания (18 ёшгача)  11 (-4)
2001  Испания (19 ёшгача)  3 (-1)
2001  Испания (20 ёшгача)  1 (-1)
2002—2003  Испания (21 ёшгача)  11 (-4)
2010—2014  Испания миллий терма жамоаси 20 (-9)

Жаҳонгир Сотволдиев 

Виктор Вальдеснинг фаолиятига назар (ФОТО)