"Барселона" Араухо билан 2026 йилга қадар шартнома узайтирилишини эълон қилди. Товон пули - 1 миллиард евро

Янги келишув 2026 йилнинг 30 июнига қадар мўлжалланади. Шартномада товон пули Ансу Фати ва Педри билан бўлганидек бир миллиард евро этиб белгиланади.

Янги шартнома имзолаш маросими жума куни, аниқроғи 29 апрелда "Камп Ноу" стадионида бўлиб ўтади.

Уругвайликнинг клуб билан олдин шартномаси 2023 йилнинг ёзига қадар мўлжалланган эди.

23 ёшли марказий ҳимоячи жорий мавсум "Барса" таркибида барча мусобақаларда 39та ўйинда майдонга тушиб, 4та гол уришга эришди.