"Барса" Лаутаро учун 60 миллион евро ва яна икки футболчисини қўшиб бермоқчи

Трансфер яқин фурсатларда ижобий ҳал этилиши мумкин. Милан клуби май ойидаёқ "Барселона" билан келишувга эришиш истагида.

Шу билан бирга, "Интер" Лаутаро жамоада қолмаслигини сезиб турибди, чунки молиявий келишмовчилик туфайли футболчи билан шартномани узайтириш имконсиз.

Diario Sport хабарига кўра, музокаралардаги энг катта тўсиқ - бу "Барселона" Лаутаро учун таклиф этаётган сумма. 

Каталония клуби келишув амалга ошиши учун 60 миллион евродан ташқари яна икки ўйинчисини таклиф қилмоқда, аммо "Интер" кўпроқ пул олишни хоҳламоқда.

"Интер" аллақачон Лаутаро ўрнига келиши кутилаётган номзодлар билан музокараларни бошлаган. Улар Тимо Вернер ("Лейпциг") ва Пьер-Эмерик Обамеянг ("Арсенал")дир. Бироқ, музокаралар якуний босқичга ўтиши учун "Интер"га пул зарур.