Балотелли нима сабабдан “Ювентус”га ўтмаганини айтди

“Манчестер Сити”дан сўнг “Ювентус”га ўтишга ҳозирлик кўраётгандим. Аммо сўнгги дақиқаларда мен билан Адриано Галлиани боғланди. “Милан” томонидан аниқ қизиқиш билдирилди ва мен ҳам қароримни ўзгартирдим. Мен “Милан” мухлисиман ва қалбим билан қарор қабул қилдим. Ўша вақтларда “Милан” А Cерия мусобақа жадвалининг ўрталарида эди. Албатта, “Ювентус”га ўтиш анча ақлли қарор бўларди, аммо мен фақат “Милан”га ўтишни хоҳлагандим”, — дейди Балотелли.