"Балли, "Насаф! Балли, Рўзиқул!" - қашқадарёлик моҳир шарҳловчи Ҳусан Темировнинг таваллудига бағишланади
07 ноя 2024 19:32
Янгиликлар

"Балли, "Насаф! Балли, Рўзиқул!" - қашқадарёлик моҳир шарҳловчи Ҳусан Темировнинг таваллудига бағишланади

Ёши катта мухлислар Ҳусан Темировни жуда яхши эслайди. Ўз пайтида "Насаф" иштирокидаги ўйинларни Ҳусан ака жуда маромига етказиб шарҳлардилар.

2022 йилнинг сентябрь ойида сайтимиз ходими Хайрулла Холиқов Ҳусан Темиров билан интервью ташкил этганди. Бугун Ҳусан Темиров 69 ёшга тўлиши муносабати билан ўша интервьюни қайта чоп этамиз.

"Тўп билан Рўзиқул Бердиев, Рўзиқул тўпни Вали Келдиевга узатди, Келдиев тўпни ҳаводан Зафар Холмуродовга етказиб берди. Холмуродовнинг зарбаси ва гооол!" "Зарба! Дарвозабон Пётр Гизимчук ўз ўрнида". Бу гаплар ҳамон қулоғимиз остида янграб туради.

Яқинда устоз журналист, ажойиб шарҳловчи Ҳусан Темиров хонадонида бўлиб, у киши билан суҳбат уюштирдик.