UZ

Сўнгги янгиликлар

12:20Горецка АПЛ томон йўл олиши мумкин  0 11:55Халқаро майдонда фаолият олиб борувчи ўзбекистонлик мутахассислар сони ортди  0 11:36Кубо учун топ-клублар курашади  1 11:12"Байер" футболчиси "Барселона" ёки "Бавария"га ўтади  1 10:53ХХI асрнинг энг яхши африкалик футболчилар рейтинги тузиб чиқилди  5 10:20«Adidas» Аргентина терма жамоаси билан ҳамкорликнинг 50 йиллиги шарафига махсус форма тақдим этди  1 09:47«Барселона» афсонаси Месси нима сабабдан Роналдудан кучли эканлигини тушунтириб берди  27 09:11Косово футболчилари Руминия билан ўйиндан сўнг кийиниш хонасига бир уюм чиқинди ташлаб кетишди  11 08:30Салоҳ ёшлигида кимга ўхшашни орзу қилганини айтди  0 07:56Родри «Ман Сити»ни тарк этса, қайси жамоага бориши маълум  7 02:54Миллатлар лигаси. Германиядан 7:0, Нидерландиядан 4:0 ва бошқа натижалар  0 01:58"Интер"нинг икки ҳужумчиси келаси ёзда клубдан кетади  0 01:21Дьёкереш учун курашда етакчи клуб номи маълум  4 00:20Сане ўзига янги клуб танлади  2 00:04Миллатлар лигаси. Украина ва Грузия ўзаро дуранг ўйнади, Туркия ўз уйида Уэльсни енга олмади ва бошқа натижалар  0

Бабаяннинг лицензияси вақтинча қайтариб олинди Янгиликлар

Бабаяннинг лицензияси вақтинча қайтариб олинди

Coca Cola Суперлигасининг 18-туридан ўрин олган "Сўғдиёна" – "Навбаҳор лочинлари" учрашуви якунида кўнгилсиз воқеа келиб чиққани бир қатор спорт нашрлари томонидан маълум қилинди.

Унга кўра, меҳмонлар устози Самвел Бабаян матбуот анжуманига кириш чоғида футбол мухлисларидан бири билан тортишиб қолган. 

Мазкур вазиятга Миллий гвардия ходимлари ҳам аралашган. Бабаяннинг баланд овозда хунук сўзлар билан бақираётганини эшитган айрим журналистлар матбуот анжуманлари хонасидан кўчага югуриб чиққан. Бу вақтда мутахассис ОАВ ходимлари ҳолатни тасвирга туширмоқда деган фикрда, ўз шерикларидан Championat.asia нашри вакилининг телефонини тортиб олиш ҳамда ундаги видеотасвирларни ўчириб ташлашни талаб қилган. Шундан кейин Бабаяннинг шериги ҳамда ЎзПФЛ томонидан шу йилнинг 26 февраль санасида ID 140 рақамли аккредитация олган Фарҳод Умаралиев журналистнинг қўлидан унинг шахсий телефонини тортиб олиб, ўзбошимчалик билан ундаги материалларни ўчириб ташлаган. Бу ҳаракатларни вазиятга гувоҳ бўлган бошқа нашрлар ҳам тасдиқлади. 

ЎзПФЛ Регламентларида жамоа расмийлари мусобақалар давомида ўзларини қандай тутишлари аниқ кўрсатиб ўтилган. Жамоа устозлари ҳар қандай ҳолатда ҳам ўзларини намуна сифатида кўрсатишлари шарт. Биз футбол ва ундаги ҳиссиётларни ҳурмат қилган ҳолда мураббийларнинг ўйин вақтидаги эмоцияларини табиий қабул қиламиз ва фақатгина жуда ошириб юборилган вақтда мураббий ишини тегишли қўмитага оширамиз. Бироқ Самвел Бабаян учрашув давомида уни тинимсиз ҳақорат қилган футбол мухлиси билан расмий тадбиргача ҳисоб-китоб қилишга уриниши тўғри иш эмас. Қолаверса, ЎзПФЛ мусобақаларини ёритиб борувчи журналистларнинг стадионлардаги фаолиятини "ЎзПФЛ томонидан ўтказиладиган тадбирлар ва мусобақаларда ишловчи ОАВ вакиллари учун йўриқнома" орқали тартибга солади, уларга шу асосда аккредитация тақдим этилади. Шундан келиб чиқиб, ЎзПФЛ ўз тадбирларида фаолият олиб бораётган ОАВ вакилларини ҳар қандай ҳолатда ҳам ҳимоя қилади. Бабаян ва унинг шериклари томонидан амалга оширилган иш шу томондан қаралганда на этика нормаларига, на Регламентга ва на қонунчиликка тўғри келади. 

Юқоридагилардан келиб чиқиб, ЎзПФЛ Самвел Бабаяннинг мазкур ишини Тартиб-интизом қўмитасига оширади ва унга қадар мураббийнинг лицензиясини қайтариб олади. Шунингдек, қўмитада иш кўриб чиқилаётган вақтда жазо енгилроқ бўлиши учун “Навбаҳор лочинлари” футбол клуби ва шахсан Самвел Бабаянни ОАВ вакилларидан узр сўрашга чақиради. Бунга қадар ҳам матбуот анжуманида кўнгилсиз воқеа келтириб чиқарган, бироқ кейинчалик ўз айбига иқрорлигидан келиб чиқиб, қайта аккредитация берилган Фарҳод Умаралиевнинг аккредитацияси ҳам қайтариб олинади ва у ЎзПФЛ мусобақалари учун рўйхатдан қайта ўтказилмайди. Мазкур шахс матбуот анжуманида иштирок этгани аниқланса, ҳар қандай мезбон клуб жаримага тортилади", – дейилади расмий хабарда.

Рейтинг: +95   

Фикрлар

championat.asia
< сўнгги янгиликларни кўриш
Яндекс.Метрика