"Аякс" дарвозабони Онана фуросемид қабул қилгани сабаб бир йилга дисквалификация қилинди. У хотинининг дорисини ичиб юборган
05 фев 2021 15:54
Янгиликлар

"Аякс" дарвозабони Онана фуросемид қабул қилгани сабаб бир йилга дисквалификация қилинди. У хотинининг дорисини ичиб юборган

УЕФА "Аякс" дарвозабони Андре Онанани антидопинг қоидаларини бузгани учун 12 ойга футболдан четлатди.

2020 йил 30 октябрда 24 ёшли ўйинчининг таҳлили текширилди ва унда фуросемид аниқланди. Дисквалификация бугундан бошланади ва бу барча мусобақаларга тегишлидир.

"Аякс"нинг тушунтиришича, камерунлик посбон 30 октябрда ўзини ёмон ҳис қилган ва хотинига ёзиб берилган дорини қабул қилган.

Комиссиянинг фикрича, Онананинг ҳаракатларида зарарли ниятлар бўлмаган, аммо спортчи барибир унинг танасига таъқиқланган моддаларнинг кириб келмаслигини таъминлаши керак эди.

Онана ва "Аякс" Спорт арбитраж суди (CAS)нинг қарорига қарши чиқишмоқда.