Аукционда 50 миллион сўмга сотилган дўппи Тимур Кападзега топширилди. Барча пуллар беморнинг оиласига хайрия сифатида берилди
23 май 14:14
Янгиликлар

Аукционда 50 миллион сўмга сотилган дўппи Тимур Кападзега топширилди. Барча пуллар беморнинг оиласига хайрия сифатида берилди

Хабарингиз бор, U-23 Осиё кубогида Ҳусайн Норчаев ва Жаҳонгир Файзуллаев биргаликда машҳур қилган дўппини аукционга қўйгандик.

4 кун давом этган савдолардан кейин бошланғич нархи 1 миллион сўм бўлган дўппига энг баланд нархни Тимур Кападзе бошчилигидаги Ўзбекистон U-23 терма жамоаси мураббийлар штаби ва футболчилари таклиф этишганди - 50 миллион сўм!

Терма жамоа аъзолари келишган ҳолда бу дўппини ЎФА музейига топширишга қарор қилишди.

Бугун, 23 май куни Тимур Кападзенинг шахсан ўзи 50 миллион сўмни онкологик касаллик билан оғриган болаларнинг оиласига хайрия сифатида топширди. ВИДЕОНИ ТОМОША ҚИЛИШ

Бундан ташқари телеграм каналимиз ўқувчилари томонидан 4 миллион сўмга яқин йиғилган пуллар ҳам шу касалхонага дори-дармон олиш учун хайрия қилинди.