"Арсенал" 25 футболчи билан Австралияга учиб кетди (фото)

"Тўпчилар" Австралиядаги машғулотлардан сўнг, Хитойга йўл олишади.

"Эвертон" ва "Марсель" қизиқиш билдираётган 30 ёшли ҳужумчи Оливье Жиру ҳам ушбу таркибда бор.

Шу билан бирга, 25 футболчи орасида 52 млн. фунтга харид қилинган Александр Ляказетт ва Арсен Венгер билан келиша олмай қолганлиги ҳақида хабар чиққан ярим ҳимоячи Месут Озил ҳам борлигини кўриш мумкин.

"Арсенал"нинг 25 футболчидан иборат делегацияси

"Эвертон" ва "Марсель" нишони бўлган Оливье Жиру "Арсенал"нинг янги қалпоғидан ҳайратда

"Арсенал" учун рекорд - 52 млн. фунтга харид қилинган Александр Ляказетт ва дарвозабон Петр Чех

Жамоага Ляказетт қўшилганидан сўнг, Жирунинг клубдаги келажаги сўроқ остида, аммо олдинроқ, футболчининг ўзи "тўпчилар" сафида қолиб, асосий таркиб учун курашишини эълон қилган эди.

"Манчестер Сити"га ўтиши айтилаётган Алексис Санчес ва Германия терма жамоаси ҳимоячиси Шкордан Мустафи Конфедерациялар Кубогида иштирок этгани учун қўшимча таътил кунлари олишди. Лукас Перес эса "Депортиво" билан музокара олиб бораётгани туфайли, Австралияга учмади.

"Арсенал" янги футболчиси Сеад Колашинац Дубай орқали "Яшил қитъа"га йўл олади. Матье Дебюши, Киран Гиббс ва Карл Женкинсон йиғинга учаётганлар орасида кўринмади, демак, улар жамоани тарк этиши мумкин.

Ҳимоячи Начо Монреаль "Military" услубида ишланган "Арсенал"нинг бейсболкасини кийиб кўрмоқда

Тео Уолкотт сафардан олдин дўстлари билан селфига тушмоқда

Эктор Бельерин, Калум Чемберс ва Роб Холдинг 21 ёшгача бўлган футболчилар ўртасидаги Европа чемпионатида иштирок этгани туфайли қўшимча таътил олишди. Жэк Уилшер ва Габриэль жароҳатини даволаётгани сабаб, улар ҳам чет эл йиғинидан четда қолишди.

"Тўпчилар" устози Арсен Венгер асосий жамоа таркибида йиғинга бора олмайдиганлар ўрнига, 25 кишилик таркибга ёшлар жамоасидан Жо Уилок, Кристиан Билик, Эйнсли Мейтлэнд-Найлс, Эдди Нкетия, Рейс Нельсон ва Донэлл Маленни қўшиб олди.

Сешанба куни "Арсенал" Австралия чемпионати иштирокчиси "Сидней"га қарши баҳс олдидан матбуот-анжуманида иштирок этади. Ушбу учрашув ANZ стадионида бўлиб ўтади. "Тўпчилар" шанба куни "Вестерн Сидней Уондерерз" билан куч синашишади.

Клуб якшанба куни Хитойга йўл олади ва бир неча кун ичида "Бавария" ҳамда "Челси" билан баҳс ўтказади.

"Арсенал" футболчилари учун совға қилинган махсус қулоқчинлар

"Арсенал" сардори Пер Мертезакер бортда

Жиру Лоран Косьелни кийган бейсболканинг кўринишига баҳо бермоқда

"Арсенал"нинг мавсумолди тайёргарликдан ўтказадиган баҳслари жадвали:

13 июль - "Сидней" (ANZ" стадиони, Сидней)

15 июль - "Вестерн Сидней Уондерерз" (ANZ" стадиони, Сидней)

19 июль - "Бавария" ("Шанхай" стадиони, Шанхай)

22 июль - "Челси" ("Bird's Nest Stadium", Пекин)

29 июль - "Бенфика" ("Эмирейтс" стадиони)

30 июль - "Севилья" ("Эмирейтс" стадиони)

6 август - "Челси" ("Уэмбли" стадиони - Англия Суперкубоги)

Дэнни Уэлбек ҳам 25 футболчининг орасида

Начо Монреалга Puma ишлаб чиқарган бейсболка ёқиб қолган кўринади

Футболчиларга берилган сумкалар ҳам "Military" услубида