Аргентина футзал терма жамоаси бош мураббийи: "Биз турнирда нафақат ўзимиз, балки Жаҳон чемпионатида тўп тепишни орзу қиладиган барча болакай, ҳаваскор ва маҳаллий футзалчи учун ўйнаймиз"
02 окт 12:50
Янгиликлар
![](https://championat.asia/upload/storage/803638_original.jpg)
![](/upload/storage/803638_220.jpg)
Аргентина футзал терма жамоаси бош мураббийи: "Биз турнирда нафақат ўзимиз, балки Жаҳон чемпионатида тўп тепишни орзу қиладиган барча болакай, ҳаваскор ва маҳаллий футзалчи учун ўйнаймиз"
Унда Аргентина футзал терма жамоаси бош мураббийи Матиас Лукуикс ва терма жамоа футзалчиси Пабло Таборда қатнашди.
"Франция жуда кучли жамоа ҳисобланади. Дебют иштирокидаёқ ярим финалга етиб келиши бу жамоанинг иштиёқи биздаги каби юқори эканлигидан далолат беради.
Биз турнирда нафақат ўзимиз, балки Жаҳон чемпионатида тўп тепишни орзу қиладиган барча болакай, ҳаваскор ва маҳаллий футзалчи учун ўйнаймиз.
Олдинда жуда муҳим ўйин кутиб турибди. Масъулиятни ҳис қилиб турибмиз. Ғалаба қозониш учун жасоратни йўқотмасдан, ўз ўйинимизни намойиш этишимиз даркор.
Францияда биз каби босимнинг йўқлиги биз учун кўпроқ хавф туғдиради. Ҳозирга қадар олдимизга қўйган вазифаларни уддаладик. Ушбу босқичда ҳам ғалаба қозонишимизга ишонаман", – деди Матиас Лукуикс.
"Ўйлашимча, гуруҳ босқичида энг яхши ўйинимизни кўрсата олмадик. Биз барча билган ва кутган Аргентина эмас эдик. Дарвозамиздан бир нечта гол ўтказиб юбордик. Гуруҳ босқичидан сўнг хатоларни муҳокама қилдик, машғулотларда буни тузатиш борасида ишладик, мураббийнинг биздан талаб қилаётган жиҳатларига кўпроқ эътибор қаратдик. Бу эса чорак финалда ўз исботини топди.
Ўйин олдидан жамоавий бирга бўламиз, мате ичамиз, мусиқа тинглаймиз, карта ўйнаймиз. Бундай одатларни яхши кўрамиз.
Биз ўзимизга ишонамиз. Мураббийлар штаби кўрсатмаларини бажаришга ҳаракат қиламиз ва бу ярим финалда ҳам иш беради деган умиддаман", – деди Пабло Таборда.
Ўхшаш янгиликлар
![AMP Logo](https://championat.asia/image/logo-amp.png)
Фикрлар