АПЛнинг бир нечта клуби стадионга келган мухлислар сонини ошириб ёзар экан
13 сен 2018 13:14
Янгиликлар

АПЛнинг бир нечта клуби стадионга келган мухлислар сонини ошириб ёзар экан

Ўтган мавсум Англия Премьер-лигасининг бир қатор клублари уй учрашувларидаги мухлислар сонини ошириб ёзган.

BBC нашри бу борада текширув ўтказди ва клубнинг расмий маълумотларини полицияники билан солиштирди. Шундай қилиб, "Вест Хэм" ўтган мавсумдаги 12та уй учрашувида стадионга келган ишқибозлар сони ўртача 22% ёки 12 530 кишига ошириб ёзилган ("Вест Хэм" маълумотларида 55 309 киши, полиция баённомасида 42 779).

"Челси", "Саутгемптон", "Манчестер Сити", "Уотфорд" ва "Тоттенхэм" ҳам рақамларни ошириб ёзган. "Манчестер Юнайтед" тақдим этган маълумотлар полициянинг ҳисоботи билан мос келгани аниқланди.

Клубларнинг маълум қилишича, мухлислар стадионга келган одам сони билан эмас, балки сотилган чипта ва абонементлар сони бўйича аниқланади. Чипта ёки абонемент эгаси ўйинни ўтказиб юбориши ҳисобга олинмайди. Маълумотларни бу йўсинда тақдим этиш қоидабузарликка кирмайди.

Ҳавола :

Манба : BBC

Янгиликларни Телеграмда ўқинг!

Рейтинг: +23