"Everton" yana jazolandi. APL matbuot xizmati Mersisayd klubi yana ikki ochkoni yo'qotgani haqida xabar berdi. Sababi o'sha-o'sha – moliyaviy feyr-pley qoidalarini buzish.
Avvalroq jamoadan 10 ochko olib tashlangandi. Buning ustidan "Irislar" apellyaciya shikoyat qilgan va tekshiruv natijasida klubga 4 ochko qaytarib berilgandi.
"Everton" ayni paytda turnir jadvalida 15-o'rinni egallab turibdi. Jamoa navbatdagi turda "Chelsi" mehmoni bo'ladi.
