Андрей Микляев: "Ал Ҳилол" Осиёнинг энг кучли клубларидан бири"

"Бизнинг ОЧЛдаги биринчи мақсадимиз гуруҳ босқичидан чиқиш эди. Биз бу вазифани уддаладик. Энди Осиёнинг энг кучли 8 жамоаси орасига киришни истаймиз. "Ал Ҳилол"га қарши ўйин осон ўтмайди. Рақибимиз Осиёнинг энг кучли клубларидан бири ҳисобланади. Сафардаги дуранг натижаси биз учун ёмон натижа бўлмайди деб ўйлайман. Лекин ғалаба қозонишга ҳаракат қиламиз. "Ал Ҳилол" сафида кучли футболчилар жуда кўп, легионерлар орасида Аилтон Алмейдани алоҳида кўрсатишим мумкин", - дейди Андрей Микляев.

"Учрашув иккала жамоа учун ҳам осон кечмайди. Сабаби икки клуб ҳам кейинги босқичга чиқишни истайди. "Ал Ҳилол"ни ҳурмат қиламиз жамоа сафида кучли ва тажрибали футболчилар жуда кўп. Уларнинг кўпига қарши олдин ҳам ўйнаганман. Бизнинг мақсадимиз ишончли ўйин кўрсатиб чорак финалга чиқиш", - дейди Игнатий Нестеров.