Андрей Канчельскис: “Кейинги мавсумда “Навбаҳор” раҳбарияти олдимизга аниқ мақсадларни қўйган”

- Бугунги ўйин қизиқарли тарзда кечди. Кайфият ҳам, об-ҳаво ҳам ўзгача бўлди. Кечаги баҳсда қуюқ туман сабабли, футболчилар анча қийинчиликларга дуч келишганди. Шогирдларим кўпроқ ҳимоявий тактика асосида ўйнашди. Футболчиларга жорий мавсум давомидаги ўйинлари учун раҳмат айтаман. Жамоамиз мухлислари ҳамда қўқонлик футбол ишқибозларига ўз миннатдорчилигимни билдираман.

Англияни Туманли альбион дейишади. Бироқ Англиядаги футболчилик фаолиятим давомида бундай туманда футбол ўйнашга тўғри келмаган. Кеча эса футболчиларнинг шундай вазиятда тўп суришларига тўғри келди.

Энди буни амалиётда ҳам кўрдим. Ўз ўрнида “Қўқон-1912” футбол клуби раҳбариятига бизга кўрсатган ёрдамлари, илиқ кутиб олганлари учун ўз миннатдорчилигимни изҳор этаман. Ушбу жамоага келаси мавсумда омад ёр бўлишини тилайман!

Кейинги мавсумда “Навбаҳор” раҳбарияти олдимизга аниқ мақсадларни қўйган. Биз кучли учликка кириш ҳамда Чемпионлар Лигасига чиқиш мақсадида ҳаракат қиламиз.

“Навбаҳор” ПФК матбуот хизмати.