Андрей Фёдоров: "Яширмайман, ёш футболчини номига тушуряпмиз"

- Мухлисларимизни ғалаба билан табриклайман. Ўйин қийин бўлди. ОЧЛдаги дурангдан кейин йигитлар ўзини йўқотиб қўймади. Улар характер кўрсатишди. Футболчиларим ўйинни назорат қила олишди. Ҳа, тезкор голдан кейин ўйин суръати ўзгариб кетди. Аммо айта оламан, учрашув бизнинг устунлигимиз остида ўтди ва шу боисдан ғалабага эришдик.

Биз тактика танлаётганда рақибнинг ўйини, кучи ва бошқа жиҳатларига қарамаймиз. Чемпионатда барча жамоаларнинг кучи тенг. Аммо ўйинлар осон ўтмаяпти. Клубларда ғалабага бўлган истак юқори.

ОЧЛда кучсиз рақиблар бўлмайди. Ҳа, даража борасида бироз пастроқ клублар бор. Ўйинларда ёмон ўйнамаяпмиз. Рақибдан кўра кўпроқ гол урсак бўлди эди. Бунда биз рақибдан бир бош паст бўлмадик Аммо ўтказиб юборилган голларда жамоавий хатолар қимматга тушди.

Бир супер легионер? У ҳеч нима қила олмайди. У яхши самара бериши учун ёнидаги бир неча футболчилар унинг савиясига яқинроқ бўлиши керак. Осиёда футболи асосан жамоавий ўйин ва индивидуал сифатларга асосланган. Қитъдаги клублар асосан легионерлар олдинги чизиқда ўйнайди. Бизнинг кучимиз эса жамоавийликда. Легионерларнинг захирада қолгани? 15 футболчи билан майдонга туша олмаймиз. Биз уларни яхши легионерлар деб ҳисоблаймиз ва шу боисдан улар жамоага жалб қилинган.

Йелич иккинчи мавсум бизнинг таркибда ўйнамоқда. Футболчи бир жамоадан иккинчи жамоага ўтиши учун кўплаб факторлар тўғри келиши керак. "Локомотив" эса ҳар доим яхши футболчиларни ўз таркибига жалб этишга ҳаракат қилади.

Ёш футболчи? Яширмайман ҳозирда биз уни номига туширяпмиз. Азиз Амонов мавсум бошланишига икки кун қолгандагина жамоага келди. Авазбек эса мавсумолди йиғинларини биз билан ўтказди. Агар эътибор берган бўлсангиз, Азиз ўтган мавсумларда 45 дақиқадан кўпроқ ўйнаган вақтлари ҳам бўлган.

Шуҳрат Муҳаммадиев жиддий жароҳат олган. Шу боисдан у ўйинларни ўтказиб юбормоқда.

Жамшид Искандеров: - ОЧЛдаги ўйиндан кейин бугун бизга қийин бўлди. "Ал Иттиҳод"га қарши баҳсда биз ғалаба учун ҳаракат қилгандик. Дуранг натижа бизга таъсир қилди.  Бугун биринчи бўлимни яхши бошладик. Иккинчи бўлимда чарчаб қолдик. Мураббийимизнинг кўрсатмаларини бажариб, ғалабага эришдик.