Андрей Фёдоров: "Насаф" айни пайтда "Нефтчи"дан кучлироқ"

- Ўйинга келадиган бўлсак, биз ёмон ўйнамадик. Бугун бир очкога лойиқ ўйин кўрсатдик. "Насаф" айни пайтда "Нефтчи"дан кучлироқ эканлиги аниқ. Лекин бугунги учрашувда жамоам жуда яхши ўйнади деб бемалол айта оламан. Стандарт вазитидан гол ўтказиб юбордик. Ўйин учун барча футболчиларимизга миннатдорчилик билдираман. "Насаф"ни бир вазиятда дарвозабон муқаррар голдан қутқариб қолди. Учрашувнинг энг яхши футболчиси деб “Насаф”футболчиси Эркин Бойдуллаевни алоҳида эътироф этган бўлардим. Бойдуллаев жамоанинг ҳақиқий “мия”си эканлиги кўриниб қолди. Жамоамиздан эса барча футболчиларни энг яхшилар қаторида кўраман. Ўзбекистон Кубоги финалида кимга мухлислик қиламан? "Насаф" десам "Бунёдкор" ранжийди, "қалдирғочлар"га мухлислик қиламан десам "Насаф"дагиларни ранжитиб қўяман. Ичимда бир жамоага мухлислик қилиб тураман. Лекин буни айта олмайман. Турнир жадвалига қаранг, кимга кўпроқ қайғуришимни билиб олиш мумкин. Биз эса кучли-тўртликдаги жамоалар орасига кириш учун ҳаракат қилмоқдамиз.