Андрей Фёдоров: "Агар кетишим жамоани айни пайтдаги ҳолатини яхшиласа, кетишга тайёрман"
16 апр 2016 21:25
Янгиликлар
Андрей Фёдоров: "Агар кетишим жамоани айни пайтдаги ҳолатини яхшиласа, кетишга тайёрман"
- Ўйинни ўйлаган режаларимиз асосида бошладик. Лекин бугунги учрашувда омадимиз келмади. Йигитларда ўзига бўлган ишонч етишмаяпти. Охирги ўйинларга қараганда, бугунги ўйинда гол киритиш мумкин бўлган вазиятлар кўпроқ бўлди. Бироқ вазиятларни якунлаш борасида оқсадик. Ўйин дуранга мос эди. “Нефтчи” футболчилари тушкун ҳолатдан эндигина тикланяпти. Секин-аста ўйинимиз топиб борамиз деб ўйлайман. Натижа учун эса мухлислардан узр сўрайман. Ўйиндан сўнг мухлислар мендан истеъфо талаб қилиб хайқиришди. Агар мени кетишим жамоани айни пайтдаги ҳолатини яхшиласа, мен кетишга тайёрман. Бироқ истеъфони раҳбарият ҳал этади. Агар менга ишонч билдиришда давом этишса, охиргача ишлашга тайёрман. Очиғи, бу мавсум омад биздан очиқчасига юз ўгирмоқда. Мавсум аввалида жамоага кучли футболчиларни жалб қилишга ҳаракат қилдик. Бироқ уларнинг бизга қўйган талаблари тўғри келмади. Селекция масаласида ҳаммаси ҳам мураббийлар штабига боғлиқ эмас. Ўзимиз таклиф қилган футболчилар эса жамоада кучли рақобатни юзага келтира олишмаяпти. Бизга жамоани ўз ортидан етаклай оладиган футболчилар зарур. Албатта давралар оралиғида ўзгаришлар бўлади. Хозирданоқ хар бир чизиққа савияли футболчини таклиф қилишни режа қиляпмиз.
Евгений Черемесинни ортга қайтариш? Ҳа, у билан алоқада бўлиб турибмиз. Бироқ у ҳам ортга қайтса, фақат ОЧЛда ўйнайдиган клубга келишини маълум қиляпти. Ҳаммасини вақт кўрсатади. Энди “Машъал”га қарши баҳсга тайёргарликни бошлаймиз, - деди Фёдоров.
“Нефтчи” матбуот хизмати
Фикрлар