UZ

Сўнгги янгиликлар

12:20Жоэль Кожо нима учун "Динамо"га эмас, "Нефтчи"га ўтганини сабабини айтди  1 12:13"Барселона" ва яна учта клуб "Интер" футболчисига даъвогарлик қилмоқда  0 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  4 10:15"Ньюкасл" "Реал" футболчисига 100 миллион евро таклиф қилди  0 09:43Испания терма жамоасининг бўлажак ўйинлар учун таркиби маълум  2 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  7 08:20Антонининг "Бетис"га трансфери барбод бўлди  7 07:42Испания терма жамоаси аъзоси АПЛнинг ўртамиёна клубига ўтди  1 07:15CAFA. Бугун Ўзбекистон МТЖ ўз юришини бошлайди  16 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  27

«Андижон»нинг янги легионери: «Бизда Кубокни ютиш учун яхши имкон юзага келган ва бундан фойдаланиб қолишга ҳаракат қиламиз» Янгиликлар

«Андижон»нинг янги легионери: «Бизда Кубокни ютиш учун яхши имкон юзага келган ва бундан фойдаланиб қолишга ҳаракат қиламиз»

«Андижон» ёзги селекция чоғида таркибини бир қатор янги ўйинчилар билан тўлдирди.

Уларнинг орасида сербиялик 31 ёшли ҳимоячи Любиша Пецель ҳам бор. У «Андижон» матбуот хизматига илк интервьюсини берди.

- Любиша, «Андижон» клубига хуш келибсиз. Бу таклифни эшитганингизда нималарни ўйладингиз?

- Раҳмат, «Андижон» клубида тўп суриш мен учун янги синовдир. Бу жамоада ўйнаш имконияти пайдо бўлганидан хурсандман. Бу менга катта тажриба бўлади, деб ўйлайман.

- Ушбу таклифни қабул қилишингизда асосий сабаб нима?

- Мен ҳақиқатда хурсандман. Сербиядан Осиёдаги миллий чемпионатга келганимдан мамнунман. Ўзимни шу ерда намойиш қилмоқчиман.

- Сиз илк бор Ўзбекистон чемпионатига келдингиз. Бу ерда эса сербиялик футболчилар бисёр. Чемпионатимиз ҳақида нималарни биласиз?

- Ҳа, бу ерда сербиялик кўплаб футболчилар ўйнашидан хабарим бор. Мен учун эса бу ерда ҳозир ҳаммаси янги. Айтиш жоизки, чемпионатингизнинг савияси менда илиқ таассурот қолдирди ва чемпионатингиз савияси яхши эканлигини эшитдим.

- «Андижон» таркибида ҳамюртингиз Владимир Бубаня тўп суряпти. У ҳақида олдин ҳам билармидингиз?

- Мен шундай мураббий билан ишлашдан ва Владимир Бубаня билан бирга тўп суришдан жуда хурсандман. Мураббийлардан миннатдорман. Улар Владимир билан биргаликда ўйнашим учун имкон беришмоқчи. Ҳа, у ҳақида эшитганман, лекин ҳеч қачон бирга ўйнаб кўриш насиб қилмаганди. Энди эса шундай имкониятга эгаман.

- Андижонлик мухлислар жуда талабчан ва фаол. Улар Ўзбекистонда биринчи рақамли ва сизлардан умиди катта…

- Мухлислар ҳақида инстаграм ва ютуб каналлари орқали маълумот олдим. Улар сербиялик ишқибозларга жуда ўхшашар экан. Шуни биламанки, улар биз футболчиларга ўз ўйинимизни яхши намойиш этиш учун катта ёрдам беришади. Шундай жонкуяр ва фидойи ишқибозлар кўмагида тўп суришимдан жуда хурсандман.

- Янги жамоангиздаги дастлабки таассуротларингиз қандай?

- Бу ерда ҳаммаси мен учун янги. Чунки учиб келганимга ҳали кўп бўлгани йўқ. Мураббийлар ва ўйинчилар мени худди эски қадрдонини қарши олишганидек кутиб олдилар. Бунинг учун барчасига катта раҳмат!

- «Андижон» билан нимага эришишни мақсад қиляпсиз?

- Бизда Кубокни ютиш учун яхши имкон юзага келган ва бундан фойдаланиб қолишга ҳаракат қиламиз.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика