“Андижон”: “Цементчи” билан ўйиннинг вақти ўзгарди

Жамоамиз бугун Олтинкўлдаги стадионда икки маҳал машғулот ўтказди. Аввал хабар берганимиздек, эртага Қувасойда “Цементчи” билан назорат ўйини бор. Беллашув соат 15:00да бошланадиган бўлди. Жамоа мураббийлар штабида янгилик бор. Яъни эндиликда дарвозабонлар билан Хислат Чилматов шуғулланади. Футболчилик даврида асосан “Нефтчи”даги ўйинлари билан кўпчиликка яхши таниш бўлган собиқ посбон 2014 йили “Нефтчи” ёшлар жамоасида дарвозабонлар билан ишлаганди. Ўтган мавсум эса “Навбаҳор”да Бахтиёр Ашурматовга яқиндан ёрдам бериб келди. Эндиликда улар яна бирга фаолият юритади. 

Шунингдек жорий мавсум “Андижон” ёшлар жамоасини Виталий Легай бошқариши маълум бўлди. Эртага ёшларимиз ҳам сафарда биринчи лига қатнашчиси “Ёзёвон-Лочинлари” билан назорат учрашувида майдонга тушади.    

"Андижон" ФК матбуот хизмати.