«Андижон»: «Бунёдкор» билан ўйин олдидан
03 ноя 2016 12:00
Янгиликлар

«Андижон»: «Бунёдкор» билан ўйин олдидан

Бугун Андижонда катта футбол. «Соғлом авлод» стадионида «бургутлар» чемпионатимизнинг етакчи клубларидан бирига қарши баҳс олиб боради.

Олий лигада қолиш учун курашаётган «Андижон» бугун қандай бўлмасин ўз майдонида ютқазмасликка уринади. Статистикага мурожаат қиладиган бўлсак, «қалдирғочлар» шу кунгача Андижонда умуман мағлуб бўлмаган. Кўрамиз, жамоаларнинг 18-тўқнашувида омад кимга кулиб боқаркин. «Бунёдкор» жамоаси кеча тушликдан сўнг Андижон шаҳрига етиб келди ва «Vella elegant» меҳмонхонасига бориб жойлашди.

Бугун дисквалификация туфайли ҳар икки жамоа таркибида майдонга туша олмайдиган футболчилар бор. Мезбонлар сафида марказий ҳимоячи Бобур Акбаров бўлса, меҳмонлардан Сато Минори сариқ карточкалари сони 4тага етгани муносабати билан бугунги учрашувни ўтказиб юборишга мажбур.

Бугунги учрашувни андижонликлар қизил, тошкентлик футболчилар эса оқ рангли либосда ўтказадиган бўлди.

Дарвоқе, кеча ёшлар лигасида «Андижон» жорий мавсум чемпиони «Бунёдкор» ўринбосарларини 1:0 ҳисобида мағлуб этди.

Эслатиб бугунги учрашув соат 15:30да бошланади. Чипталар стадион кассаларида сотилмоқда. Қизиқарли кечиши кутилаётган учрашувга мухлисларни таклиф этиб қоламиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +2