“Андижон” бир қатор футболчилар билан хайрлашди

Мураббийлар штаби таркибда бир қатор ўзгаришларга қўл урмоқда. Ўтган мавсум жамоа шарафини ҳимоя қилган Сирож Ҳамроев, Лазиз Убайдуллаев, Шохруҳ Бойқўзиев, Қадамбой Нурметов, Суннатилла Мамадалиев, Суннатулла Абдуллажонов, Нодирхон Камолов ҳамда Жаҳонгир Омонов сингари футболчилар билан хайрлашишга қарор қилинди.

Шунингдек, “Бунёдкор” жамоасидан ижарага олинган Жавоҳир Қиличев, Нодир Мавлонов, Дониёр Абдуманнопов ҳамда “Насаф” футболчиси Элбек Отақулов ҳам ўз клубига қайтиб кетган.

Мураббийлар штаби уларнинг ўрнини бошқа футболчилар билан тўлдиришга қарор қилган ва айни дамда бир қатор ўйинчилар билан музокара ўтказилаётгани маълум бўлди.
“Бургутлар” янги йил таътилидан кейин бугундан яна ўз қароргоҳида тўпланиб, навбатдаги йиғинга киришади.