Аморим МЮ ходимларининг Европа Лигаси финалига сафари учун пул тўлади
15 май 2025 15:29
Янгиликлар

Аморим МЮ ходимларининг Европа Лигаси финалига сафари учун пул тўлади

"Манчестер Юнайтед" бош мураббийи Рубен Аморим 30 нафар клуб ходими ва уларнинг оила аъзоларининг Европа Лигаси финалига бориш харажатларини шахсан ўзи тўлаб берди.

Бу ҳақда ESPN хабар берди.

У клуб раҳбарияти Бильбаога ташриф уюштириш учун маблағ ажратишдан бош тортгач, шундай қарорга келган.

"Тоттенхэм"га қарши баҳс 21 майдан 22 майга ўтар кечаси Бильбаодаги "Нуэво Сан-Мамес" стадионида бўлиб ўтади.

Клуб Манчестерда ўйинни пуллик кўришни ташкил қилиш билан чекланиб қолди, бунда ходимлар ва уларнинг меҳмонлари учун таомлар пулли бўлади.

Таққослаш учун, ПСЖ президенти Носир Ал Ҳелайфи 1 июнга ўтар кечаси Мюнхенда бўлиб ўтадиган Чемпионлар Лигаси финалига барча 600 нафар клуб ходимига текин чипта тақдим этган.

Ҳавола :

Манба : ESPN

Янгиликларни Телеграмда ўқинг!

Рейтинг: +15