Амирбек Саидов: "Осиё чемпионатида юқори мақсадни кўзлаганмиз"

Ёшларимиз эртага ироқлик тенгқурлари билан куч синашади. Мазкур ўйин олдидан терма жамоа ҳужумчиси Амирбек Саидов фикрларини билдирди. 

"Осиё чемпионатига тайёргарлик яхши ўтмоқда. Эртанги ўйинга ҳам тайёрмиз дея оламан. Ўзимизнинг максимал ўйинимизни кўрсатишга ҳаракат қиламиз. 

Ироқ ҳақида назарий машғулотларда ўргандик. Етарлича маълумотга эгамиз. Биринчи мақсадимиз гуруҳдан чиқиш ва мундиалга йўлланма олган ҳолда чемпионликни қўлга киритиш. Ички муҳит аъло даражада. Аҳил жамоа йиғилган. 

Клубимда ўз имкониятимни кутмоқдаман. Ишонч билдиришмоқда. Ўз устимда ишлаб бундан ҳам яхши бўлишга ҳаракат қиламан",- дейди Амирбек Саидов.