Александр Петров: "Чорак финалга чиқишга лойиқмиз"
16 июл 2016 17:26
Янгиликлар

Александр Петров: "Чорак финалга чиқишга лойиқмиз"

Бироз аввал якунига етган "Ал Маядин" - "Олмалиқ" (2:2) учрашувидан кейинги матбуот анжуманининг биринчи қисмида "Олмалиқ" бош мураббийи Александр Петров қатнашди.

"Бугун икки хил бўлим гувоҳи бўлдик. Кечаги оғир ўйиндан сўнг биринчи 20 дақиқаликда устунликни рақибга бериб қўйдик, иккинчи таймда эса яхшироқ ўйнадик ва кўпроқ имкониятларимиз эга бўлдик. Энди эса эртанги ўйинда Эрон чемпиони ғалаба қозонишига умид қиламиз.

Рақибимиз яхши шаклланган жамоа эканлигини кўрсатди. Биринчи бўлимда ўзимиз устунликни уларга бердик, рақиб 3-4та гол уриши ҳам мумкин эди.

Рустам Умаров Осиёнинг энг кучли дарвозабонларидан бири. Уни жамоамизнинг ярми дея оламан. Дарвозани шундай посбон қўриқласа йигитларда қўшимча ишонч бўлади. Эртага Эрон клубининг ғалаба қозонишини кутамиз ва гуруҳдан чиқишга умид қиламиз. Гуруҳдаги дастлабки икки ўйинда ёмон ўйнамадик, шу боис менимча чорак финалга чиқишга лойиқмиз", - дейди Александр Петров.