"Ал Ваҳда" Тошкентга уч нафар легионерини олиб келмади
10 фев 2018 21:29
Янгиликлар

"Ал Ваҳда" Тошкентга уч нафар легионерини олиб келмади

БААнинг "Ал Ваҳда" клуби ОЧЛ 1-туридан ўрин олган ўйинни ўтказиш учун Тошкентга етиб келди.

12 февраль куни Лауренциу Регекампф бошчилигидаги жамоа "Локомотив" билан ўйнайди.

Эътиборлиси "Ваҳда" сафида Тошкентга уч нафар легионер келмади. Аргентиналик Себастьян Тальябу, марокашлик Мурод Батна ва кореялик Рим Чанг Ву Ўзбекистонга олиб келинмади. Қизиғи учала футболчи 7 февраль куни БАА про-лигаси доирасидаги "Хатта"билан ўйинда тўлиқ ўйнашган, Тальябу ўша ўйинда гол ҳам урганди.

Маълумот учун, ушбу мавсум Тальябу 14та, Батна эса 7та тўп киритган. Қолган ҳеч бир футболчи бунчалик кўп гол ура олмаган.

"Ал Ваҳда" сафида Тошкентга келган ягона легионер бу Венгрия терма жамоаси аъзоси Балаш Джуджак ҳисобланади. Ушбу ярим ҳимоячи ПСВ, "Анжи", "Динамо Москва", "Бурсаспор" каби клубларда фаолият олиб борган.