Акмал Турсунбоев: “Насаф” билан Кубокдаги жавоб ўйини умуман бошқача бўлади”

“Андижон” жамоаси сафарда “Насаф” меҳмони бўлади. Ёдингизда бўлса, ушбу жамоаларнинг дастлабки тўқнашувида “аждарлар” 2:0 ҳисобида ғалаба қозонганди. Бўлажак баҳс олдидан “бургутлар”нинг иқтидорли дарвозабони Акмал Турсунбоевдан фикрларини сўрадик.

- Иккинчи даврага жамоамизнинг тайёргарлиги аъло даражада ўтди дея оламан. Ҳаммаси режадагидек кечди. Ҳар бир футболчи ўз устида жиддий ишлади. Машғулотлар билан бир қаторда синов-назорат учрвашувларига ҳам эътибор қаратилди. Энди диққат эътиборимизни иккинчи давра ўйинларига қаратамиз.

- Тўғри, Кубокда “Насаф”га дастлабки учрашувда имкониятни бой бергандик. Лекин бу – футбол! Олдиндан бир нарса деб бўлмайди. Балки, қаршиликларнинг кейинги босқичга чиқиш имконияти яхшироқ кўринаётгандир. Аммо биз ҳам Қаршига шунчаки келмадик. Биласиз таркибимизда сезиларли равишда ўзгаришлар юз берди. Шу боис эртага умуман бошқача ўйин бўлади.

- Янги мураббий ҳаммага бир хил муносабатда ва ишончи катта. Бу энг яхшиси деб ўйлайман. Чунки жамоада ҳаммамиз бир мақсад йўлида ишламоқдамиз – дейди Акмал Турсунбоев.

"Андижон" матбуот хизмати