"Агар Левандовски фаолияти давомида "Олтин тўп" олмаса, бу унга нисбатан жиноят бўлади" - Оуэн
19 ноя 2021 08:58
Янгиликлар

"Агар Левандовски фаолияти давомида "Олтин тўп" олмаса, бу унга нисбатан жиноят бўлади" - Оуэн

Англия терма жамоасининг собиқ футболчиси, 2001 йилги "Олтин тўп" соҳиби Майкл Оуэн ушбу совринга бу йилги даъвогарлар ҳақида гапирди.

"Менимча ковид даврида Левандовскига "Олтин тўп" борасида омад келмади. Ўша мавсумда совринни унга берган бўлардим.

Бошқа номзодлар ҳам бор. Мени нотўғри тушунманг, лекин Салаҳ гарчи хеч нарса ютмаган бўлсада, мавсумни ажойиб ўтказди. Бошқа томондан, барча совринларни ютган Жоржиньо бор. Аммо у овоз бериш жараёнида Левандовскини ортда қолдира олади деб ўйламайман. Шунинг учун ҳам мен Робертни танлаган бўлардим.

Левандовски яна Бундеслигада ғалаба қозонди. Унинг статистикаси шунчаки ажойиб. Шунинг учун ҳам "Олтин тўп"ни Левандовски олиши керак. Агар у фаолияти давомида умуман "Олтин тўп" олмаса, бу унга нисбатан жиноят бўлади. У ажойиб футболчи", - деди Оуэн.

Эслатиб ўтамиз, "Олтин тўп"ни топшириш маросими 29 ноябрь куни Парижда ўтказилади.