"Агар буни атайин қилганимда, у ўрнидан қайтиб турмасди": Альбиоль Винисиусга тирсаги "тегиб кетгани" ҳақида

Ла Лига охирги турида "Вильярреал"га қарши баҳсда Винисиус Жуниор вазиятлар бирида Рауль Альбиолдан зарба қабул қилиб олди. Бу воқеа жарима майдончаси ўртасида бўлганига қарамай, ҳакам барчаси жойидалигини кўрсатди.

Ўйин якунлангач, Альбиолдан "Реал" вингерига атайин зарба бердими ёки йўқлиги борасида сўрашди.

"Айтяпманку, агар мен унга зарба беришни истаганимда, у ўрнидан қайтиб турмасди", — деди Альбиоль Movistar"га берган интервьюсида.

Аслида яна бир эризодда рақиб бразилияликнинг юзига қўли билан зарба берганди. Дани Парехо стандарт вазиятда ҳамкасбини шу усулда тўхтатиб қўя қолди. 

Рефери яқин нуқтада турганига қарамай, бу сафар ҳам ҳимояланаётган футболчи қоидани бузмади деб ҳисоблади.